Cui bono?

Nú veit ég ekkert hver var þarna að verki, en það er gjarnan hollt að spyrja sig hver hagnist á voðaverkum. Ég sé ekki annað en þetta komi Pútín illa. Lætur hann líta illa út og vekur auk þess athugli á þessum mótmælum gegn honum.

Ber öll einkenni leigumorðs

Athugasemdir

[Þorsteinn Siglaugsson, 28.2.2015 kl. 16:40]

Hlýtur auðvitað að vera CIA? Hmmm...

[G. Tómas Gunnarsson, 28.2.2015 kl. 16:51]

 Og ef til vill er það akkúrat spuninn sem Putin og félagar vissu að mætti taka og setja fram?

Útreiknuð áhætta.

Þannig má "spinna" þessu öllu í hringi.

Og án efa á fjöldinn allur af samsæriskenningum eftir að koma í ljós. Í þeim iðnaði standa heldur engir framar fyrrum vinnustað Putins.

[Heimir Lárusson Fjeldsted, 28.2.2015 kl. 18:06]

Mér finnst traustvekjandi að Pútín skuli annast rannsókn málsins sjálfur ;)

[Wilhelm Emilsson, 28.2.2015 kl. 18:49]

Á móti kemur að Pútín er laus við Þránd í Götu og hrollur hlýtur að fara um þá sem hafa og hafa hugsað sér að gagnrýna hann. Gaman væri að heyra hver græðir meira á þessu en Pútín og hvort síðuhafi sé með hugmyndir um hver gæti hér hafa verið að verki, því eins og hann bendir á vitum við það ekki fyrir víst ennþá og sennilega aldrei.

[Hilmar (IP-tala skráð) 28.2.2015 kl. 19:00]

Höfundur bloggsins er alveg "bang on", eins og þeir segja í útlöndunum.
Gamlir góðir Kremlarkommar hefðu einfaldlega sagt að þetta væri furðulegt sjálfsmorð hjá Nemtsov.

Og auðvitað getur þetta ekki hafa verið Putin. Það er náttúrulega svo, að það er ákaflega erfitt fyrir karlgreyið að sjá á eftir sínum helstu andstæðingum í gröfina.
Ég meina, hvað ætli Putin geri þegar allir hans óvinir eru dauðir?
Segja af sér?

[Jón Valur Jensson, 28.2.2015 kl. 19:25]

Hér á ekki að rita: qui bono, Vésteinn, heldur cui bono.

[Óskar Helgi Helgason (IP-tala skráð) 28.2.2015 kl. 22:15]

Sæll Vésteinn - sem og aðrir gestir þínir !

Þorsteini Siglaugssyni: sem og G. Tómasi Gunnarssyni er tamt mjög / að falla í Kaldastríðs flór þeirra Styrmis Gunnarssonar og Björns Bjarnasaonar, í stað þess að gera einfaldlega ráð fyrir, að drápið á Nemtsov kæmi V.V. Pútín fremur illa, heldur en hitt - í baráttu hans gagnvart Vestrænum Heimsvaldasinnum. þessi misserin.

Afar vandræðalegt: öllum þeim, sem reyna að klína Sovézka mynstrinu upp á Pútín og hans fólk:: ekki hvað síst í ljósi þeirrar staðreyndar, að Pútín kappkostar endurreisn fornra Rússneskra gilda - sem til urðu við stofnun Garðaríkis Rúriks Hersis (862 - 879), sem og annarra arftaka hans, allt að upphlaupi Bolzévíka skrattanna og áhangenda þeirra, árið 1917.

Og - minnist þess allir: Þorsteinn / G. Tómas og Heimir Fjeldsted auk annarra ýmissa, að það voru Vestrænir kratar og þesskonar lýður, sem lyftu óþverranum Lenín á sinn stall, forðum.

Það er hinsvegar rétt - hjá Wilhelm Emilssyni; að seinleg geti orðið, uppvísunin að, hverjir stóðu fyrir drápi Nemtsovs, svo sem.

Véteinn !

Viðurkennum báðir - ofurþekkingu Jóns Vals fjölfræðings, á hinni merku Latnesku tungu: umfram okkur báða - sem margra annarra, þó svo ég sé í stopulum tíma að reyna að stauta mig í gegnum Occítanskan (Próvenzalskan) teksta Trúbadora 11. - 14. alda (Katalóníu - Suður- Frakklands og Lígúríu á Ítalíu), öðru hvoru, ágæti drengur.

Með beztu kveðjum af Suðurlandi - sem oftar og áður / 

       

[Óskar Helgi Helgason (IP-tala skráð) 28.2.2015 kl. 22:20]

Afsakið / meinlegar ritunarvillur texta míns: hvar ég er full sparsamur á lýsinguna við lyklaborðið, sum kvöldsetrin.

ÓHH

[Anna Sigríður Guðmundsdóttir, 28.2.2015 kl. 23:07]

Bara strax búið að fordæma, og það án óháðrar stríðsglæpadóms-rannsóknarniðurstöðu?

Sér fólk ekkert athugavert við það, hvernig Páfastýrðir Alþjóðabankaræningjar Úkraínuhertökuliðanna spila fréttalygar fjölmiðla vesturlanda, á marklausu hraðspólandi múgæsingsbulli?

M.b.kv.

[Jón Valur Jensson, 28.2.2015 kl. 23:48]

Good for you, Óskar Helgi, að lesa occitönsku. 

[Jón Valur Jensson, 28.2.2015 kl. 23:51]

Sjálfur skrifa ég athss. hér (þar til þær eru nánast sjálfkrafa þurrkaðar út, nema ég standi mig alveg rosalega vel í sjálfsritskoðun á þessum ofurlíberal-leftista-blaðs-vef): http://www.theguardian.com/commentisfree/2015/feb/27/gay-marriage-referendum-irish-history-catholic-church#comment-48218129

[Vésteinn Valgarðsson, 1.3.2015 kl. 02:29]

Eins og Óskar mælir með, þá viðurkenni ég ofurþekkingu Jóns Vals á latneskri stafsetningu og leiðrétti hér með titilinn á þessari bloggfærslu.

Vægðarleysi hefur verið einkenni á rússneskum stjórnmálum a.m.k. frá bronsöld og mörgum trúandi til margs, svo ég orði það varlega. Um sekt eða sakleysi ætla ég ekki að segja annað en að ég veit ekki hver stóð að þessu og trúi ekki spunarokkum heimsvaldapressunnar neitt frekar en Pútín & Co.

[Ármann Birgisson, 1.3.2015 kl. 12:37]

Pútín er enginn heimskingi að láta drepa vinsælan stjórnarandstæðing til þess eins að skemma fyrir sjálfum sér,það hlýtur hver heilvita maður að sjá.

[Þorsteinn Sch Thorsteinsson (IP-tala skráð) 1.3.2015 kl. 22:18]

Sæll Vésteinn 

Cui bono?

Já góð spurning , nú hann Gorbachev karlinn er EKKI á því að Putin standi á bakvið morðið eins og allur áróður bandarískra neocone fjölmiðla gengur út á í dag, sjá hérna: 

Mikhail Gorbachev: Assassination Of Boris Nemstov Is A False Flag

[Vésteinn Valgarðsson, 5.3.2015 kl. 00:52]

Þorsteinn, Tómas, Wilhelm, Hilmar, það er kannski klisja að segja að sannleikurinn sé fyrsta fórnarlambið í stríði, en það er jafn satt fyrir því. Áróðurinn í kring um þetta Úkraínustríð er gríðarlegur, og þótt Rússar reki vissulega sinn áróður, er áróðurinn í vestrænum fjölmiðlum síst skárri. Hann er lúmskari, ef eitthvað er, því við erum svo vön honum að við tökum ekki eftir honum. Vestrænir stjórnmálamenn og fjölmiðlar eru ekkert heiðarlegri eða göfugri en kollegar þeirra í öðrum löndum.

Hver var að verki? Ég ætla ekki að fara út í einhverjar bollaleggingar sem ég hef engar forsendur fyrir. Læt nægja að segja að það er til nóg af annarlegum öflum sem stunda sannanlega "false flag"-glæpi, -hryðjuverk eða -hernaðaraðgerðir, hafa oft gert það og eiga oft eftir að gera það aftur.