Áhugavert já -- en nýtilegt?

Þessi tilraun er alveg áhugaverð sem stúdía. Niðurstaðan er að vísu gefin: Já, það er vel hægt að lifa án peninga. Hvað ætli Gísli á Uppsölum hafi notað mikla peninga? Svarið er vitað en þetta er fróðleg demonstrasjón.

Hitt er annað mál hvaða gagn við höfum af svona tilraun. Við vitum að það er hægt að gera þetta. Við vitum líka að fórnarkostnaðurinn er sá að standa utan við hagkerfið, í grófum dráttum. Það er hægt að lifa án peninga og það er meira að segja hægt að lifa án fólks. Hver er tilgangurinn? Hver er boðskapurinn? Eiga allir að hverfa aftur til frumstæðara hagkerfis? Eiga allir að kötta á hagkerfið?

Hagkerfið er efnaleg undirstaða samfélagsins. Maður vinnur samfélaginu lítið gagn með því að draga sig út úr því. Svarið við vandamálum nútíma þjóðfélaga er bylting fjöldans, ekki bylting einbúans.

Er hægt að lifa án peninga?