Takk, Steingrímur

Þessi umsókn er í boði þeirra sem síst skyldi.

Skref í ranga átt og hefði aldrei átt að vera tekið.

Afsprengi þess að láta Samfylkinguna stjórna sér með hótunum og mútum.

--- --- ---

Það er fyndið til þess að hugsa, að sá hlær best sem síðast hlær. Þegar Samfylkingin leggur allt sitt undir í þennan fíflaskap, þá verður það henni dýrkeypt áður en yfir lýkur. Evrópusambandið er óhræsi sem Ísland á ekkert erindi inn í. Við vitum nóg um það til að vita það. Áróður Samfylkingarinnar er hávær en rýr í roðinu málefnalega en þegar þjóðin fellir þetta í þjóðaratkvæðagreiðslu (ef þetta verður ekki stöðvað á fyrri stigum), þá verður málið Samfylkingunni sjálfri verst. Verði henni að góðu.

Búið að sækja um ESB-aðild

Athugasemdir

[Kári (IP-tala skráð) 17.7.2009 kl. 17:25]

Þetta er nú meira yfirgengilega ruglið í einum manni. Skallaðirðu fótbolta fulloft, eða hvað?

[Vésteinn Valgarðsson, 17.7.2009 kl. 23:05]

Nei, og takk fyrir innlitið.

[Rakel Sigurgeirsdóttir, 17.7.2009 kl. 23:24]

Ég reikna með því eins og þú að aðildini verði hafnað ef hún verður samþykkt þá get ég bara ekki séð það fyrir mér hvernig það á að verða okkur til gæfu. Ég sé ekki að aðild breyti neinum aðalatriðum í sambandi við kreppuna; þ.e. dýpt hennar eða lengd en eftir að við komust upp úr henni mun aðild fyrst og fremst tryggja okkur aðra rússíbanaferð ofan í næstu lægð sem er innbyggð inn í kapítalismann á sirka tíu ára fresti.

[Vésteinn Valgarðsson, 19.7.2009 kl. 11:35]

Einmitt. Þetta er ekki lausn á neinum skammtímavanda, svo mikið er víst. hins vegar getur þetta aukið á hann, eins og með því að setja okkur skilyrði um IceSave-ábyrgðir og hvað við megum og megum ekki í efnahagsmálum.

[anna (IP-tala skráð) 19.7.2009 kl. 19:39]

Jóhanna er Úlfur í sauðagæru og lambið hennar Steingrímur á spena hjá henni. Dýrtíðin í evrópu hefur margfaldast eftir að evran var tekin í gildi. Þ.e.a.s. allt nema kaupið hækkað til muna. ESB mun ekki bæta neitt hér á landi. Síður en svo. Sorglegt að sjá hvernig VG lætur glepja sig með lygaáróðri raunveruleikafyrrtra evrópusinna í Samfó.