Smjörklípa

Það er orðinn fastur liður hjá Sjálfstæðisflokknum að taka upp þráðinn við að auka aðgengi að áfengi, þegar hann vill dreifa athyglinni frá óþægilegri umræðuefnum, eins og skýrslu um skattaundanskot eða þvíumlíkt.

Staðreynd: Fyrirkomulagið á áfengissölu íslenska ríkisins er í góðu lagi. Hvert er vandamálið? Þetta er eitt af því fáa sem er ekkert sérstakt vandamál við. Eitt af því fáa sem er bara í góðum farvegi eins og það er.

Það er þreytandi tugga að "það sé ekki hlutverk ríkisins að reka smásölu". Segir hver? Sá sem er annað hvort hugmyndafræðilega forritaður markaðshyggjumaður, sá sem eygir gróða fyrir sig eða vini sína í áfengissmásölu, eða sá sem vill beina athyglinni frá einhverjum óþægilegri málum.

„Æi, elsku Brynjar minn“

Athugasemdir

[Þorsteinn Siglaugsson, 5.2.2017 kl. 19:38]

Hvað veitir einum manni rétt til að banna öðrum að aðhafast það sem hann vill?

[Gunnar Rögnvaldsson, 5.2.2017 kl. 21:25]

Sæll Vésteinn

Þegar Síminn var seldur þá átti einkageirinn að sjá öllum landsmönnum fyrir símasambandi og nettengingum. Það gerði hann ekki í einkarekstri, heldur tók hann fyrst og fremst að sér að mjólka arðsamasta hluta markaðarins, þ.e.a.s að annast 2 prósent af flatarmáli Íslands; höfuðborgarsvæðið. Restin af landinu var að miklu leyti skilinn eftir og útundan. Nú hefur ríkissjóður misst af þessum hagnaði sem rennur í vasa eigenda Símans, en neyðist samtímis til að taka að sér að ljósleiðaravæða landsbyggðina. 

Þetta verður eins með áfengið. Þegar það er komið yfir til einkageirans hangandi í pilsfaldi ríkisins, þá mun úrvalið minnka, gæðin versna og aðgengi fyrir almenning verða minna. Skordýraeiturs rusl-vín úr ruslheildsölum EES-landa munu ráða markaðinum með ónýtu víni á pappafernum eins og í Danmörku, þar sem ekta vínbúðir lifa ekki af einokun tveggja innkaupastjóra í verslunarkeðjum landsins sem ráða öllu. Danir líta öfundaraugum yfir til Svíþjóðar þar sem úrvalið og þjónustan í Ríkinu er mörgum sinnum betri en þeir fá heima hjá sér.

Þetta er leiðinleg saga til næsta bæjar að segja af einkaframtakinu, en verður að segjast samt, því ég er hlynntur einkaframtaki en ekki pilsfaldavæðingu gróðans.

Kveðjur

[Jóhann Kristinsson, 5.2.2017 kl. 23:11]

Það er verzlun að opna í Garðabæ sem hefur mjög góð og sæmilegt úrval á áfengum veigum, sem að ég held að komi til með að gera það sama á Íslandi og þeir gera hér í USA.

Ég kaupi hvergi Vín eða kampavín nema í Costco.

Úti á landi, þá held ég að spá þin muni rætast Gunnar.

Kveðja frá Houston

[Gunnar Rögnvaldsson, 5.2.2017 kl. 23:26]

Frelsissjónarmiðið er að minnsta kosti ekki til staðar, svo mikið er víst. Það er bara pilsfaldur. Og persónulega er ég á móti því að skorpulifur í unglingum hefji hér innreið sína eins og í áfengisbaði sumra norðlægra þjóða.

Danir eru gott dæmi um gersamlega misheppnaða áfengismenningu. Þeir klöskuðu "suðrænni rauðvínsmenningu" ofan í dönsku bjór- og snaps menninguna og eru að dekkja sér. Það yrði nákvæmlega eins hér. Eitt andskotans "menningar-borðhald" tæki þá 8 tíma í stað klukkustundar. Gersamlega óþolandi samkundur

Kveðjur að vestan

[Gunnar Rögnvaldsson, 5.2.2017 kl. 23:32]

Miklu hollara að drekka sig fullan í einum grænum hvelli, svona inn á milli mjólkurglasa, eins og var gert hér á landi. Miklu betra og skemmtilegra. Það er það eina sem hægt er að nota áfengi í; til að drekka sig fullan. Ef menn eru að tala um "hollustu" þá geta þeir fengið sér vínber eða rúsínur. Bara blekkingarbull þetta með "hollustu" í áfenginu.