...and the flame still burns

Fyrsta þætti íslensku byltingarinnar er lokið með næstum því fullum sigri. Það var gerð stjórnarbylting í landinu. Kosningarnar í vor munu skera úr um uppskeruna af þessum fyrsta þætti. Ég spái því að það fólk verði fyrir vonbrigðum, sem hélt að þetta væri allt og sumt sem þyrfti til. Flokkakerfið er ekki á förum strax, hvað þá spillingin sem ennþá gegnsýrir yfirbygginguna. Við sitjum ennþá uppi með skuldabaggana sem stóri bróðir batt okkur.

Hvaða ríkisstjórn sem verður við völd eftir kosningar, er henni hollast að vinna hratt og örugglega. Ef ekki finnast viðunandi lausnir á vandamálum þjóðarinnar, mun hún ekki hafa sömu þolinmæði og við ólumst upp við. Hún hefur nú séð að það er hægt að fella ríkisstjórn og veit að hún getur gert það aftur. Að öðrum kosti er alltaf hægt að flýja land og láta þetta bara sökkva.

Friðsælt á Lækjartorgi