Nei við IceSave

Helst vildi ég nú að þessi fjandans samningur yrði bara felldur áður en kæmi til þjóðaratkvæðagreiðslu. Því verður haldið til haga hverjir greiða atkvæði með honum. Nú, ef svo ömurlega fer að Alþingi samþykki þetta, þá ætti að láta reyna á það fyrir þjóðaratkvæði líka. Það yrði að þrýsta á forsetann að neita að undirrita.

Ef þessi samningur gengur í gegn, getum við eins lagt árar í bát og lokað sjoppunni. Það, eða gert byltingu. Þessi landsölusamningur er óréttláttur og það skal aldrei verða friður eða sátt um óréttlæti.

Þjóðaratkvæðagreiðslu um Icesave

Athugasemdir

[Benedikta E, 28.6.2009 kl. 14:17]

Það er ríkisábyrgðin fyrir Icesave sem Alþingi á að kjósa um - ekki sjálfur samningurinn - en hann= samningurinn - kemst náttúrulega ekki lengra ef ekki fæst ríkisábyrgð fyrir honum

Það má bara ekki ske að Alþingi samþykki þetta það væri landráð lestu 40. og 41. gr. Stjórnarskrárinnar.

Ég er algjörlega sammála þér Vésteinn - Fólk þarf bara að vera duglegra að mæta við Alþingi þegar þingfundir eru og hafa hátt - MÓTMÆLA-það -VIRKAR-

[Vésteinn Valgarðsson, 28.6.2009 kl. 14:56]

Ég sé nú ekki að 40. eða 41. grein stjórnarskrárinnar geri þetta að landráðum. Landráðakafli almennra hegningarlaga (X. kafli) nær varla yfir þetta heldur. Hins vegar nær orðabókarskilgreiningin alveg yfir þetta.