Þessu er ekki lokið

Þeir eru að reyna að fækka "vandræðalegum skotmörkum" á Gaza. Ísraelar, eins fáránlega opg það hljómar, eru nefnilega "vandir að virðingu sinni" og vilja ekki að dráp eða limlestingar á útlendingum veki athygli í heimalöndum þeirra. Við munum eftir Íslendingunum sem hafa lent í óþægilegum uppákomum í Palestínu, verið haldið í fangelsi og svo reknir úr landi og bannað að koma þangað aftur, fengið í sig gúmmíhúðaðar kúlur eða gas. Það vekur athygli. Athygli sem Ísraelar vilja fyrir alla muni forðast. Þess vegna er reynt að koma útlendingum í burtu, svo þeir verði ekki fyrir vandræðalegum meiðslum, veki vandræðalega athygli eða beri vandræðalegan vitnisburð. Þeir vilja fá að vinna sín myrkraverk í friði fyrir augum umheimsins.

Útlendingum hleypt frá Gasa