Vonbrigði?

Ef Netanyahu verður áfram forsætisráðherra Ísraels eru það afleitar fréttir fyrir fólk sem er á móti því að palestínsk börn séu myrt. Ekki það, að "zíonistabandalagið" - sem um það bil það sama og Verkamannaflokkurinn, með nýtt nafn, ef mér skjátlast ekki - er ekki líklegt til að friðmælast heldur. En Netanyahu lýsti því beinlínis yfir í kosningabaráttunni að ef hann fengi sigur, yrði ekki stofnað neitt palestínskt ríki. Tveggja ríkja lausnin svokallaða er reyndar löngu dauð, ef hún var ekki andvana fædd. Það er kannski ástæðan fyrir því að John Kerry tönnlast ennþá á henni. Og Mahmoud Abbas, sem sumir ganga svo langt að kalla kvisling.

Ég set spurningarmerki í titilinn á þessari færslu, vegna þess að þótt maður voni auðvitað að það komi einhver vonarglæta í ísraelsk stjórnmál, þá bjóst maður svo sem ekki við miklu. Þannig að það er skilgreiningaratriði hvort vonbrigði eru rétta orðið til að nota.

Netanyahu lýsir yfir „miklum sigri“

Athugasemdir

[Helgi Armannsson (IP-tala skráð) 18.3.2015 kl. 08:39]

Vésteinn ég held að það skipti engu mali kvaða flokkur vinur eigandinn er sá sami

https://www.youtube.com/watch?v=GlLE5X0IBAA

[Vésteinn Valgarðsson, 18.3.2015 kl. 12:26]

Helgi, vera má að það sé rétt. Það eru ekki allir ísraelsku flokkarnir jafnslæmir, en öfgamenn mundu örugglega spilla mikið fyrir friðarsinnaðri ríkisstjórn, ef hún kæmist til valda.

[Vilhjálmur Örn Vilhjálmsson, 18.3.2015 kl. 15:50]

Hamas drepur börnin í boði fábjána á Vesturlöndum.

[Hjálmtýr V Heiðdal, 18.3.2015 kl. 16:22]

Villi málefnalegur sem endranær.

[Vésteinn Valgarðsson, 18.3.2015 kl. 18:21]

Ekki voru það Hamas sem gerðu loftárásir á Gaza á síðasta ári.