Sannleikurinn ógnar svínaríinu

Svínaeldi fer víðast hvar fram við aðstæður sem er óhætt að kalla viðbjóðslegar. Meira að segja þótt "reglum um velferð dýra" sé fylgt. Þetta vita allir sem kæra sig um að vita það. Eða hvenær hefur maður séð svín á beit úti í haga þegar maður keyrir um sveitir landsins? Hvaða rugl er það að gefa TÍU ÁRA aðlögunartíma til að bæta úr??

Orðspor greinarinnar í hættu

Athugasemdir

[Helgi Armannsson (IP-tala skráð) 30.9.2015 kl. 21:22]

Sammala Vesteinn mer finnst allur verksmiðju búskapur ogeðslegur,maður a helst ekki að eta svín kjulklinga eða kalkúna,nema kannski heima ræktað

[Þorsteinn H. Gunnarsson, 1.10.2015 kl. 16:52]

Vinur minn, svín eru ekki jórturdýr og bíta því ekki gras. Þau lifa á korni og öðru auðmeltu fóðri að mestu.

[Vésteinn Valgarðsson, 1.10.2015 kl. 17:40]

Ábending móttekin. Rótandi í moldarflagi þá.

[Þorsteinn H. Gunnarsson, 1.10.2015 kl. 18:36]

Í raun mundu svín njóta sín vel úti við. Þannig ferðuðust svín Ingimundar gamla frá Hofi í Vatnsdals yfir í Svínavatnshrepp. Svín geta væntanlega lifað á berjum sveppum og rótum. Ásæðan fyrir því að þau eru parruguð svona inn í stíur eru hagrænar. Svín eru óstýrilát og erfitt að reka þau og þarf því manskap til að gæta þeirra. Allt snýst þetta um hagfræði, að geta framleitt ódýrt fyrir blessaða neytendurnar. Aftur á móti er þetta plássleysi ástæðulaust ef það er byggt strax með skýrri sýn að skepnunum líði vel.

Mjög auðvelt er að breyta fjárhúsum með djúpakjallara í góðar svínastofur. Vandamálið er að greinin er alltaf rekin á hungurmörkum til að geta orðið við kröfum neytenda um lágt matarverð.

[Bjarni Gunnlaugur (IP-tala skráð) 1.10.2015 kl. 19:20]

Þessi punktur er athygliverður: "Meira að segja þótt "reglum um velferð dýra" sé fylgt."

Hvað eru menn nákvæmlega að gagnrýna varðandi meðferð svínanna?

Er það að bændur fari ekki að lögum um aðbúnaðinn?

Er það þó að bændur fari að lögum og er þá ekki rétt að gagnrýna lögin?

Er það að bændurnir skuli ekki breyta strax í samræmi við ný lög sem gera þá að lögbrjótum að hafa útbúið aðstöðu í samræmi við gömlu lögin?

Varðandi þetta síðastnefnda þá má benda á að fyrir utan að "greinin er alltaf rekin á hungurmörkum" þá hafa bæst við mikið reksrartap vegna verkfalls eftirlitsaðilanna (sem eru alltaf stikk frí) og að framundan er stórfelld samkeppni vegna innflutnings, þannig að ekki er líklegt að mikið sé eða verði aflögu til að bregðast við nýjum lögum. 

Reglur um aukinn innflutning gætu þannig orðið til að hrekja svínaræktina í fang ríkisstuðnings og náttúrulega sauðfjárræktina enn lengra í þá átt þar sem hún keppir að hluta við svínakjötið

eða

Verður kannski úrræðið að banna mönnum að rækta svín og kjúklinga á Íslandi og náttúrulega innflutning þessara afurða, ef menn ætla að vera sjálfum sér samkvæmir?

[Vésteinn Valgarðsson, 1.10.2015 kl. 20:56]

Menn fara ekki nógu vel eftir lögunum en auk þess eru lögin ekki nógu góð.

[Sigurður Baldursson, 2.10.2015 kl. 09:44]

Hvað er það sem ræður ferðinni þegar þið farið í búðina og kaupið beikon.Jú það er VERÐIÐ, öll viljum við lægra verð á mat, hverju nafni sem hann nefnist. Nú vilja landsmenn stóraukinn innflutning,tollfrelsi og algert frjálsræði á matvælamarkaði haldandi það að bændur innan ESB þaðan sem megnið af innfluttum kjötvörum kemur haldi sín svín í Útópíu dásamleikans fyrir svínið. Því miður fer það ekki saman lágt verð í búðinni og lífræn ræktun á svínum. Og það gildir einu hvaðan beikonið kemur ef það er ódýrt þá er grey svínið ræktað í stórum verksmiðjubúum þar sem hagræðing og lágur framleiðslukostnaður ræður ferðinni.  

[Vésteinn Valgarðsson, 2.10.2015 kl. 21:57]

Það er náttúrlega kjarni málsins, aðbúnaður dýra kostar. Ef verðið eitt (eða gróðinn) ræður för, þá er ekki gaman að vera svín. Eða manneskja, ef út í það er farið.