Léttir -- hálfur léttir

Það er léttir að þessir samningar séu í höfn og að þeir séu bara til 11 mánaða. Það er samt súrt í broti að umönnunarstéttirnar skuli enn og aftur draga stutta stráið. Innan sumra aðildarfélaganna eru umönnunarstéttir mjög fjölmennar, til að mynda má nefna SFR og SLFÍ. Nú er spurning hvort félagarnir samþykkja þennan samning eða fella hann -- m.ö.o. hvort umönnunarstéttirnar hafna þessu eða láta sig hafa það. Réttlætiskenndin í mér segir að það eigi að fella samning sem metur ekki umönnunarstéttir að verðleikum. Hins vegar má spyrja sig hvort það sé ekki skárra að láta sig hafa þetta að sinni og vera bara feginn því að hafa náð skammtímasamningum og að hækkunin sé um krónutölu en ekki prósentu. Fyrst það eru ekki nema 11 mánuðir í næstu samninga, þá ætti að gefast ráðrúm til að vinna þá betur og undirbúa ítarlega kröfugerð sem fólk er tilbúið að fylgja eftir.

Samningar gerðir við ríkið