Olían er að klárast: Hvað er til ráða?

Til skemmri tíma er aðeins um eitt að velja: Skammta olíu samhliða því að draga eins mikið úr notkun hennar og unnt er. Það er ekki um neitt annað að velja. Það þarf að breyta hagkerfinu til þess að venja okkur af olíufíkninni. Ef einhver hefur pólitískt þrek til þess, þá verður það sársaukafullt og mun kosta fórnir, en hinn kosturinn í stöðunni -- að gera ekkert -- er margfalt verri. Fólk getur rétt ímyndað sér afleiðingarnar. Við erum eins og hverjar aðrar lífverur -- fjölgum okkur gríðarlega þegar við komumst í ofgnótt af viðurværi. Þegar viðurværið -- í þessu tilfelli olían -- þverr, þá brestur tilverugrundvöllurinn og við aðlögum okkur með einum hætti eða öðrum. Aðlögunin getur falist í því að skipta um kúrs og beina hagkerfinu í þannig farveg að umbreytingin geti orðið sem mýkst. Við höfum nú þegar beðið svo lengi með það að slík skipting yrði að verða örvæntingarfull. Ef ekkert er að gert -- eða of lítið -- þá er önnur og óskemmtilegri leið til þess að aðlagast. Hvernig lagar hálfur sjötundi milljarður manna sig að því að það sé ekki til matur nema fyrir hálfan milljarð?

Vörubílstjóramótmælin: Svarið við spurningunni

Gríðarleg áhrif hækkana

Athugasemdir

[Iffy (IP-tala skráð) 11.6.2008 kl. 10:34]

Hækkanir að undanförnu eru aðeins vegna þess að peningar auðmanna og braskara hefur færst frá húsnæði/eignum og verðbréfum yfir í afurðir (e. produce).  Við erum búin með 1/4 af hefðbundnum olíulindum og því slatti eftir.  ofan á það bætast óhefðbundnar olíulindir (olíusandar og kol->olíu framleiðsla).

Ég er hins vegar sammála að við ættum að sækjast eftir því að minnka olíueyðslu okkar.   Bílaframleiðendur eru að gera sparneytnari bíla og koma með nýja tækni.  Það er bara ergilegt að það er ill raunhæft fyrir flesta að kaupa bíla sem nota annað en olíu.

 Þar sem braskarar eru að leika sér með afurðir almennt (t.d. korn og hrísgrjón) en ekki bara olíu kemur þetta harðast niður á þeim sem minnst mega sín.  Hátt olíuverð fyrir mig er óþægilegt eða pirrandi- fyrir marga aðra í heiminum er þetta spurning um að svelta.

[Vésteinn Valgarðsson, 11.6.2008 kl. 10:44]

Afkastagetan úr nýtanlegum olíulindum hefur þegar náð hámarki, framboðið fer minnkandi en eftirspurnin vaxandi. Auðvitað bætist sápukúla spekúlanta við. Það breytir því ekki að olíuöld er að renna sitt skeið á enda. Það er aðeins eitt við því að gera: Aðlagast. Við getum valið óþægilegu leiðina eða kvalafullu leiðina.

[Vésteinn Valgarðsson, 11.6.2008 kl. 13:51]

Ég trúi því ekki. Endurnýjanleg orka er það eins sem ég trúi að geti komið í staðinn.

[Bragi Þór Valsson (IP-tala skráð) 11.6.2008 kl. 14:26]

"Það er bara ergilegt að það er ill raunhæft fyrir flesta að kaupa bíla sem nota annað en olíu."

Þetta er bara alls ekki rétt.  Ef fólk er að kaupa sér nýjan bíl á annað borð (sem ég geri ráð fyrir að þú meinir) kosta bílar sem nota rafmagn eða metan ekkert meira.  Síðan náttúrulega með rafmagnsbílnum er hægt að spara mörg hundruð þúsund króna á ári.   

[Vésteinn Valgarðsson, 12.6.2008 kl. 03:46]

Svo er bara hægt að fá sér hjól eða taka strætó.