NEEEEEEI!!!

EFtir að hafa verið óánægður viðskiptavinur hjá Búnaðarbankanum, svo KB banka og loks Kaupþingi um árabil, þá sté ég skrefið í vor og hóf viðskipti við SPRON. Ég afþakkaði meira að segja að SPRON sæi um að flytja viðskipti mín á milli, bara til þess að geta átt ánægjuna af því sjálfur að fara í Kaupþing og slíta viðskiptum við þá. Það var mjög ánægjuleg og það hefur einnig verið ánægjulegt að vera viðskiptavinur SPRON undanfarna mánuði. Það var að sama skapi óánægjulegt að frétta það á dögunum, að Kaupþing væri að fara að yfirtaka SPRON.

Ég gat ekki varist þeirri tilhugsun að ef Múhammeð kemur ekki til fjallsins, þá kemur víst fjallið til Múhammeðs.

Þá er spurt: Hvað ber að gera? Þessi kúnni hjá SPRON er greinilega í svipuðum þönkum.

Ég hef heyrt að Sparisjóður Svarfdæla sé góður viðskiptis. Það segir mér maður sem er í viðskiptum hjá þeim. Ég hlýt alla vega að hugsa minn gang. Ég sýndi Kaupþingi ekki puttann til þess eins að lenda aftur í netinu hjá þeim.

[Viðbót, hér er bréf sem ég var að senda SPRON:]

Ég var óánægður kúnni hjá Kaupþingi/KB banka/Búnaðarbankanum í mörg ár og hóf því viðskipti við SPRON nú í vor. Undanfarna mánuði hef ég verið harla ánægður sem viðskiptavinur SPRON, og hef ekki mikla löngun til að verða óánægður kúnni Kaupþings á nýjan leik. Mér þótti því miður að frétta að Samkeppniseftirlitið hefði heimilað Kaupþingi að yfirtaka SPRON, og vona að af því verði ekki. Ég skora því á stjórn SPRON að koma í veg fyrir að SPRON renni í hít Kaupþings. Þótt umskiptin í vor hafi verið ánægjuleg, þá vil ég helst sleppa við að þurfa að endurtaka umstangið sem fylgdi þeim.

Með bestu kveðjum,

Vésteinn Valgarðsson

Samruni SPRON og Kaupþings leyfður

Athugasemdir

[Óskar Helgi Helgason (IP-tala skráð) 27.9.2008 kl. 01:48]

Heill og sæll: Vésteinn !

Jú; það er ekki allt, sem sýnist, eins og Galdra- Imba, kvað forðum. Með fullri virðingu; fyrir Svarfdælum, vil ég einnig minna þig, á Sparisjóðinn á Suðurlandi, hverjum Sandari (frá Hellissandi) nokkur; Pétur Á. Hjaltason veitir forstöðu. Ágætur drengur; og rökvís, sem glöggur, í hvívetna.

Með beztu kveðjum, úr Árnesþingi /

Óskar Helgi Helgason   

[Vésteinn Valgarðsson, 27.9.2008 kl. 02:10]

Blessaður, Óskar. Sparisjóður Suðurlands, segirðu? Það má hafa það í huga. Þá hef ég meðmæli tveggja sparisjóða.