Voðaverk? Þú segir ekki!

Þetta hljómar fáránlega. Voðaverk er það sem ísraelsku hermennirnir voru sendir inn á Gaza til að fremja, til að byrja með. Engin af þessum ásökunum kemur mér á óvart og mér dettur ekki í hug að vefengja eina einustu þeirra. Ísraelski herinn er glæpatól sem glæpamennirnir í ísraelsku ríkisstjórninni nota til að fremja glæpaverk. Hlutverk hans er að fremja voðaverk og voðaverk er það sem hann fremur hvern einasta dag, árið um kring, og hefur gert í áratugi. Hernámið er eitt samfellt voðaverk. Þar ofan á bætast óteljandi önnur voðaverk, stór, mjög stór og risastór. Voðaverk af ásetningi, hvað ætti maður að kalla það? Hvernig hljómar "glæpur"?

Hernám leiðir af sér hugarfar sem lætur menn fremja voðaverk. Það gerir menn að rasistum. Það sviptir hina hernumdu mennsku sinni og gerir þá að heimskum, ómögulegum "hinum" sem ekki er hægt að tjónka við, ekki hægt að semja við og eiga bara fátt skilið annað en að halda sér saman og sætta sig við að vera annars eða þriðja flokks manneskjur.

Að hugsa sér að Ísrael skuli vera meðhöndlað eins og hvert annað siðmenntað ríki, jafnvel kallað lýðræðisríki og ég veit ekki hvað. Er hægt að ætlast til þess að ríki sem svona hagar sér sé gjaldgengt meðal siðmenntaðra manna? Hvernig er hægt að vera borgari í Ísrael og sjá ekki hryllinginn sem Palestínumenn búa við upp á hvern dag? Hvernig er hægt að samþykkja hernámið?

Ísraelar frömdu voðaverk

Athugasemdir

[Einar Steinn (IP-tala skráð) 20.3.2009 kl. 02:58]

"...yfirlýsingar ísraelshers um að þeir hafi verið að vernda óbreytta borgara á Gaza."

Þessi fullyrðing Ísraelshers er svo fáránleg að ég ætla ekki einu sinni að virða hana svars heldur einungis votta George Orwell virðingu mína í hljóði.

[Vésteinn Valgarðsson, 20.3.2009 kl. 03:08]

Frelsa þá með því að eyða þeim.

[Vésteinn Valgarðsson, 20.3.2009 kl. 03:09]

Klasasprengjurnar munu gera þá frjálsa.

[Eva Hauksdóttir (IP-tala skráð) 20.3.2009 kl. 09:24]

Lýðræði er orðið jafn merkingarlaust hugtak og mannréttindi, trú, feminismi, póstmódernismi, einelti, ofbeldi og mansal. Ef orðið er jákvætt gilishlaðið á það við 'okkars'. Ef það er neikvætt kannast 'okkars' ekkert við að hafa nokkru sinni ástundað eða stutt slíka óhæfu.

[ThoR-E, 20.3.2009 kl. 13:31]

Algjörlega sammála þér Vésteinn.

Að ég skuli hafa varið þetta á sínum tíma.... .. ja hérna ... hve vitlaus var maður...

[Vésteinn Valgarðsson, 20.3.2009 kl. 13:50]

Eva: Lýðræði, mannréttindi og feminismi eru í það minnsta auðskilin hugtök ef maður veit hvar maður stendur sjálfur. Ég skoða þessi hugtök útfrá stéttabaráttu og sé ekki að þetta sé neitt flókið. Það þvælir náttúrlega merkinguna í almennri umræðu, að allir vildu Lilju kveðið hafa. Það vilja allir vera í góða liðinu, eða að minnsta kosti líta út fyrir að vera það.

Ace: Segjum tveir.