Kirkjan söm við sig

Það má blessa samkynhneigða, þá má efna til "samræðu" við þá og jafnvel snúa út úr Biblíunni þangað til þeir hætta að vera viðurstyggð sem á að grýta, -- en að leyfa þeim að ganga í hjónaband, nei: Það mundi hleypa öllu í bál og brand. Það mundi skekja siðferðislega undirstöðu trúarinnar og varpa hjónabandinu á öskuhaugana, að hleypa sódómisma inn í heilagt hjónaband. Kirkjan vill alveg vera vinur samkynhneigðra, hún vill bara að þeir sætti sig við að vera annars flokks vinir.

Ég skil satt að segja ekki hvað þeim finnst svona eftirsóknarvert við viðurkenningu kirkjunnar. Hún er í aðalatriðum bremsa á mannréttindum og hefur verið það í margar aldir.

Að lokum: Fréttin segir: "Um 74% Svía eru lúterstrúar" -- ætli það sé í sama skilningi og milli 78-79% Íslendinga eru það?

Kirkjubrúðkaup samkynhneigðra ekki leyfð strax í Svíþjóð

Athugasemdir

[DoctorE (IP-tala skráð) 30.4.2009 kl. 12:49]

Svíþjóð er með trúlausustu löndum heims... en hey verum glaðir, trú mun deyja út á næstu árum