Öryggismál heilbrigðisstarfsmanna

Öryggismál heilbrigðisstarfsmanna eru í algerum ólestri.

Ég starfa á geðdeild. Ef ég verð fyrir meiðslum af hendi sjúklings, og hlýt ekki varanlega örorku af þeim, þá er ríkið ekki bótaskylt. Til eru dæmi um það. Hjúklrunarfræðingur klemmdi fingur milli stafs og hurðar þegar sjúklingur skellti á hana, hún missti framan af fingri og fékk engar skaðabætur þrátt fyrir málaferli. Stuðningsfulltrúi var skorinn á háls á vakt og var ráðið frá málsókn gegn spítalanum, vegna þess að hann greri sára sinna. Báðum bauðst að höfða einkamál gegn viðkomandi sjúklingum, skv. meira en 700 ára löggjöf úr Jónsbók: En ef óðr maðr særir mann, þá skal arfi uppi láta vera sárbætr ok læknisfé af fé hins óða.

Til samanburðar eru lögregluþjónar og fangaverðir tryggðir fyrir meiðslum í starfi. Þetta er réttindamál sem er mjög brýnt að fá framgengt.

Slasaðist á hlaupum undan vistmanni á sambýli

Athugasemdir

[Alexander Nökkvi (IP-tala skráð) 2.9.2009 kl. 20:48]

Til samanburðar eru lögregluþjónar og fangaverðir tryggðir fyrir meiðslum í starfi. Þetta er réttindamál sem er mjög brýnt að fá framgengt.

 Þar er ég hjartanlega sammála þér.