Kaupum ekki ísraelska vígvél

https://www.facebook.com/thorunn.olafsdottir.3/posts/10158679215283438


mbl.is Tilraunaflug dróna frá Egilsstöðum
Tilkynna um óviðeigandi tengingu við frétt

Glæsilegur sigur

Ég hefði orðið verulega hissa ef Sólveig Anna hefði ekki unnið þessa kosningu. Mig hefði grunað að brögð væru í tafli. En ég þorði ekki að vona að sigurinn yrði svona afgerandi, með yfir 80% atkvæða. Það var til skammar hvernig flokkseigendafélagið í Eflingur og ASÍ vann gegn framboði hennar leynt og ljóst. En það dugði þeim greinilega ekki til, raunar vafasamt að það hafi verið þeim til framdráttar.

Kosningasigurinn í gærkvöldi var ekki endir baráttunnar, heldur upphaf hinnar raunverulega baráttu. Það verður tekist á við auðvaldið, þar á meðal fulltrúa og þjóna hennar innan verkalýðshreyfingarinnar. Með þessum gersigri, í mikilvægustu kosningum seinni ára í landinu, breytist landslagið heldur betur, vígstaða stéttasamvinnuaflanna veiktist til muna.


mbl.is Sólveig Anna nýr formaður Eflingar
Tilkynna um óviðeigandi tengingu við frétt

Ekki stofnað til að flytja vopn?

Nokia var ekki stofnað til að framleiða farsíma en gerir það samt.

Nintendo var ekki stofnað til að framleiða leikjatölvur en gerir það samt.

Mitsubishi var ekki stofnað til að framleiða strokleður en gerir það samt.

Hverjum er ekki sama um upphaflegan tilgang fyrirtækis þegar gjörðir þess eru metnar? Fólk sér ný tækifæri, eins og að framleiða strokleður eða flytja jarðsprengjur á átakasvæði, sér gróðamöguleika í því. Eða "verkefni" vilja þau kannski kalla það, eða eitthvað álíka hlutlaust og tilfinningalaust.

En sá sem flytur jarðsprengjur er að hjálpa til við að drepa fólk. Höfum það á hreinu. Það er ekki hægt að firra sig ábyrgð á því með því að kenna eftirlitsaðilum um.


mbl.is Ekki stofnað til að flytja vopn
Tilkynna um óviðeigandi tengingu við frétt

AÐ LOKNUM KOSNINGUM -- HELDUR BARÁTTAN ÁFRAM

AÐ LOKNUM KOSNINGUM -- HELDUR BARÁTTAN ÁFRAM

Það væri tilgerðarlegt að láta eins og ég væri ánægður með atkvæðafjölda Alþýðufylkingarinnar í fyrradag. En reyndar er ég alls ekki sleginn heldur. Eins og margkom fram í kosningabaráttunni, vinnast sigrar alþýðunnar ekki með atkvæðafjölda heldur í fjöldabaráttu, og Alþýðufylkingin er ekki háð kosningum eins og borgaralegir flokkar.

Það eru samt sigrar að (a) Alþýðufylkingin hafi haldið velli og ekki látið stuttan frest slá sig út af laginu, (b) málstaður okkar hafi komist þónokkuð áleiðis þrátt fyrir heiðarlegar tilraunir til þess að þagga niður í okkur, (c) félögum í flokknum hefur snarfjölgað.

Með öðrum orðum: Okkar barátta heldur áfram -- strax í dag. Verkefnin framundan eru m.a. að stofna svæðisfélög í Norðvesturkjördæmi og í Suðurkjördæmi; funda með þeim félögum sem hafa bæst við nýlega og eiga eftir að bætast við á næstunni og skipuleggja uppbyggingu flokksins. Þá er ekki langt í sveitarstjórnarkosningarnar nk. vor -- en í millitíðinni mörg önnur verkefni.

Þannig að við getum verið sátt við okkur sjálf, og farið brött inn í veturinn.


23.-27. október

Könnun sem er gerð 23.-27. október dekkar náttúrlega ekki þá uppsveiflu sem hefur verið á fylgi Alþýðufylkingarinnar í gærkvöldi og í dag.


mbl.is Ekki marktækur munur á D og V
Tilkynna um óviðeigandi tengingu við frétt

Alþýðufylkingin berst gegn útilokun

Það er hart að upplifa höfnun, en þegar höfnunin er í leiðinni brot gegn lýðræðinu í landinu, þá er það meira en hart. Þá þarf að gera eitthvað. 

Ég skrifaði grein sem birtist nú áðan á Vísi:

Opið bréf til forystumanna stjórnmálaflokkanna

Þá fjallar Eyjan/Pressan fjallar um málið:

Óánægja með ákvörðun RÚV: „Ég get ekki varist þeirri tilhugsun að einhverjir séu að toga í spotta“

...og Vísir.is fjallar um það:

„Þetta er grófasta að­för að lýð­ræðis­legu fram­boði um ára­bil“


mbl.is Yfirlýsing Alþýðufylkingarinnar
Tilkynna um óviðeigandi tengingu við frétt

Glæsilegur R-listi, glæsilegur oddviti

Þetta er fjórði og síðasti framboðslisti okkar í Alþýðufylkingunni í þessum kosningum. Skipaður glæsilegum frambjóðendum eins og hinir listarnir. Farið á heimasíðunar okkar: https://www.althydufylkingin.is/ -- til að sjá meira af fólkinu okkar, af stefnunni og annað um flokkinn.


mbl.is Erna Lína leiðir Alþýðufylkinguna í Suðvestur
Tilkynna um óviðeigandi tengingu við frétt

Verið ekki hrædd við "dauð atkvæði" ...

Fólk hefur oft sagt við okkur í Alþýðufylkingunni, að atkvæði greidd okkur séu í rauninni stuðningur við íhaldið vegna þess að þau hljóti að falla dauð. Nú er í fyrsta lagi ekki hægt að gefa sér að þau falli dauð. Í öðru lagi er ekki hægt að gefa sér hvernig okkar kjósendur mundu kjósa ef þeir kysu okkur ekki.

En í þriðja lagi: atkvæðamesti flokkurinn græðir vissulega á atkvæðum sem ekki skila þingsæti. Og það hefur vissulega verið íhaldið hingað til -- þangað til núna -- en ef eitthvað er að marka kannanir eru það VG sem mundu óbeint græða á ónýttum atkvæðum Alþýðufylkingarinnar í þetta sinn!

Þannig að: þið sem styðjið Alþýðufylkinguna í hjarta ykkar en viljið ekki ógna VG -- verið óhrædd að kjósa Alþýðufylkinguna!


mbl.is VG með tæp 30% fylgi
Tilkynna um óviðeigandi tengingu við frétt

Það á ekki að selja Lyfju heldur félagsvæða hana

Íslenska ríkið á ekkert að selja Lyfju. Það á að félagsvæða hana. Reka keðju apóteka um allt land, þar sem gróðasjónarmið eru ekki breyta heldur markmiðið það eitt að bjóða lyf á hagstæðu verði. Það gæti létt róður margra sem hafa mikil lyfjaútgjöld en litlar tekjur. Fyrir utan þann samfélagslega sparnað að fleiri gætu bæði haft efni á lyfjum og mat.
 
Ef kosningabarátta Alþýðufylkingarinnar skilar því að ég fái eitthvað um þetta að segja, þá verður þessu söluferli slitið.

mbl.is Kviku væntanlega falið að selja Lyfju
Tilkynna um óviðeigandi tengingu við frétt

500 krónur

Hann Uggi álfur, sem kemur stundum á mitt heimili, skilur alltaf eftir 500 kall.


mbl.is Tannálfurinn gefi 100 krónur
Tilkynna um óviðeigandi tengingu við frétt

Í Framsókn

Það var nefnilega það. Biggi er þá greinilega genginn úr Samstöðu, þar sem hann var kosinn formaður fyrir sléttum fimm árum síðan.

Hvað fær einhvern til að haga sér svona? Ofbýður ástandið í þjóðfélaginu og ákveður því ... að ganga í Framsóknarflokkinn. Skil ekki svona hugsun.


mbl.is Biggi lögga í Framsókn
Tilkynna um óviðeigandi tengingu við frétt

Það var þá stefnubreyting

Þegar VG voru í ríkisstjórn rifu þau niður velferðarsamfélagið og heilbrigðiskerfið. Skólarnir sátu á hakanum og stóriðjustefnunni var haldið áfram -- meira að segja reynt að leggja rafmagnssæstreng til Skotlands, sem hefði kostað stórslys í umhverfismálum og raforkuverði til þjóðarinnar. Þau hafa ekki farið í neitt uppgjör við þessi ár, þvert á móti hljómar málflutningur þeirra oft eins og trúvörn. Lærð utanbókar. Hvers vegna ætti einhver að trúa því að VG muni leiða einhverja stefnubreytingu núna?


mbl.is Sýnir að kjósendur vilja stefnubreytingu
Tilkynna um óviðeigandi tengingu við frétt

46% svarhlutfall

Þessi skoðanakönnun er fullkomlega ómarktæk.

Ekki fleiri orð um það.


mbl.is VG stærsti flokkurinn
Tilkynna um óviðeigandi tengingu við frétt

Elías Davíðsson kynnir rannsóknir sínar í kvöld

Elías Davíðsson, fræðimaður og rithöfundur, talar á fundi Alþýðufylkingarinnar í Friðarhúsi Elías Davíðssonkl. 20:00 fimmtudagskvöldið 31. ágúst. Hann mun þar kynna rannsóknir sínar og bækur um hryðjuverk og hvernig valdamikil öfl nota þessa "ógn" í pólitískum tilgangi.

Elías er búsettur í Þýskalandi hefur um árabil fengist við rannsóknir og skrif um hryðjuverk, einkum með falinni aðkomu ríkja -- m.a. herja, leyniþjónusta, jafnvel dómstóla -- sem leynt er bak við þéttan vef lyga og áróðurs.

Á undanförnum árum hefur hann m.a. gefið út þrjár bækur um sviðsetningu hryðjuverka:

1. Hijacking America Mind's on 9/11 (Algora Publishers, New York, 2013)
2. The Betrayal of India: Revisiting the 26/11 [Mumbai] Evidence (Pharos Media, New Delhi, 2017)
3. Psychologische Kriegsführung und gesellschaftliche Leugnung: Die Legende des 9/11 und die Fiktion der Terrorbedrohung (Zambon Verlag, Frankfurt a/M, 2017)

Fyrirlesturinn er í Friðarhúsi, Njálsgötu 87 fimmtudagskvöldið 31. ágúst og byrjar klukkan 20:00.


Hestanafnanefnd

Ég man eftir grein sem ég las fyrir fáum árum, þar sem höfundurinn grínaðist með hugmyndina um að stofna dýranafnanefnd. Það var grín, og þó nokkuð fyndið. Ég hló samt meira að forsíðu Fréttablaðsins í dag, enda hélt ég um tíma að það væri fyrsti apríl.

Hestanafnanefnd. Hvaða vandamál á hún að leysa? Eru ruddaleg eða klúr eða rasísk hestanöfn útbreidd? Hefur fólk ekkert þarfara að gera við tíma sinn?


Aðeins í kapítalisma!

Það er eitt megineinkenni kapítalismans sem hagkerfis, að framleiðendur komast í hann krappan þegar framleiðslan verður of mikil -- og þá meina ég ekki meiri en þörfin, heldur meiri en svo að neytendur borgi. Því kannski borga þeir ekki vegna þess að þá vantar pening.

Nú ætla ég ekkert að gerast sérlegur talsmaður núverandi kerfis við sauðfjárbúskap. Það hlýtur að vera hægt að hanna kerfi sem þjónar bændum og neytendum (og kindum) betur. En núverandi ríkisstjórn er ekki að fara að gera það, ekki frekar en allar þær borgaralegu ríkisstjórnir sem hafa komið á undan henni.

Ég skil ekki að það sé hægt að framleiða of mikið lambakjöt. Ég skil það bara ekki. Ég mundi gjarnan borða lambakjöt á hverjum degi ef ég hefði efni á því, og ég er sannfærður um að það er útbreidd löngun. Þannig að það er ekki að sjá að raunverulega vandamálið sé að framleiðslan sé of mikil.

Of mikið kjöt. Það eru ekki margar kynslóðir síðan fólk hefði hlegið að tilhugsuninni um að það væri talað um það sem vandamál að það væri of mikið kjöt.


mbl.is „Við getum ekki borgað okkur laun“
Tilkynna um óviðeigandi tengingu við frétt

Sniðganga: Refsing sem virkar

Ef drjúgur hluti neytenda er mjög mótfallinn einhverri ákveðinni hegðun fyrirtækja, þá ætti að vera hægt að sveigja þau til með markvissri sniðgöngu. Dæmi: Ef neytendur vilja að brugghús virði bann við áfengisauglýsingum, og séu ekki að spila duldar bjórauglýsingar í sjónvarpinu, þá væri t.d. hægt að hafa samtök um að sniðganga hvern áfengan drykk sem er auglýstur í, segjum, þrjá mánuði. Á sama hátt: Fyrirtæki sem auglýsti á ensku gæti með því fælt frá sér kúnna. Og svo framvegis. Það kæmi við punginn.


mbl.is „Íslensk tunga aldrei í forgangi“
Tilkynna um óviðeigandi tengingu við frétt

Sýrlandsstríðið og framtíðarhorfurnar

Á heimasíðu Alþýðufylkingarinnar birtist í morgun gagnmerk grein um Sýrlandsstríðið sem ber titilinn:

Bandaríkin reyna að höggva austurhluta Sýrlands af – Sýrlandsstjórn gerir gagnsókn

...Þórarinn Hjartarson, stálsmiður á Akureyri, þýðir greinina og ritar inngang að henni.


"Fordæmum nýjustu árás Bandaríkjanna á Sýrland!"

Þórarinn Hjartarson sagnfræðingur og stálsmiður á Akureyri skrifar á heimasíðu Alþýðufylkingarinnar:

Fordæmum nýjustu árás Bandaríkjanna á Sýrland!

 
 

Beinar aðgerðir virka

Ég vil óska þeim til hamingju, sem lokuðu veginum um Berufjörð á dögunum. Auðvitað hlaut ríkisvaldið að gefa sig. Hvað átti það að gera annað?

Lærdómurinn: Beinar aðgerðir virka betur en aumar afsakanir stjórnmálamanna. Munið það.


mbl.is 1200 milljónir til viðbótar til vegamála
Tilkynna um óviðeigandi tengingu við frétt

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband