Panamaskjöl og samsæri

Egill Helgason bloggaði í gær um samsæriskenningar um Panamaskjölin. Hann tekur ekki beint afstöðu til þeirra sjálfur, en sumir sem skrifa athugasemdir tala um þær eins og þær séu hreinræktað kjaftæði. Bara eins og bandaríska leyniþjónustan eða öfl henni tengd mundu aldrei taka þátt í einhverju svona endemi. Og ef Rússar andmæla og koma með aðrar skýringar en vestræn hagsmunaöfl -- þá er það áróður Rússa -- en eins og samsæri, þá mundu hetjur frelsisins aldrei nota áróður. Áróður og samsæri -- það er eitthvað sem hinir nota bara. Ekki við. Ekki fólk eins og við. 

Þórarinn Hjartarson skrifar athyglisverða grein um Panamaskjölin á vefsíðu Alþýðufylkingarinnar. Kíkið á hana:

Panamasprengjan. Til hvers?

Athugasemdir

[Wilhelm Emilsson, 11.4.2016 kl. 20:00]

Þessi grein er kött and peist stalíniskt propaganda. Hvers vegna í ósköpunum eru sosíalistar að reyna að verja spillta ráðamenn? Maður spyr sig, "Hvað er á bak við þetta." :)

[Vésteinn Valgarðsson, 11.4.2016 kl. 22:25]

Hvað meinarðu, Wilhelm? Er þetta grín?

[FORNLEIFUR, 12.4.2016 kl. 00:13]

Ég er sammála Wilhelm. The Fjeldsted Connection gæti skýrt þetta.

[Wilhelm Emilsson, 12.4.2016 kl. 02:26]

Síðasta setningin er grín. Hinar tvær fyrstu eru ekki grín.

[Wilhelm Emilsson, 12.4.2016 kl. 07:17]

En hér er íslenzk fyndni frá SGD:

"Ég trúi því að staðreyndir, skynsemi, rök og sannleikurinn sigri að lokum. Þess vegna er ég framsóknarmaður."

[Vésteinn Valgarðsson, 12.4.2016 kl. 09:04]

Er það "stalínískt propaganda" að tortryggja heimsvaldastefnuna eða að benda á samhengi málsins?

Er það að "verja spillta ráðamenn", að benda á að sama og ekkert hafi komið fram um spillta Bandaríkjamenn?

[Wilhelm Emilsson, 12.4.2016 kl. 10:14]

Að setja fram samsæriskenningu og draga þannig athygli frá spillingu er stalínískt propaganda, já. 

[Vésteinn Valgarðsson, 12.4.2016 kl. 13:29]

Það er ekki að "draga athygli frá spillingu" að benda á að það sé gróf slagsíða á því hvaða gögn birtast og hvaða gögn birtast ekki. Það er þvert á móti: selektíf birting gagnanna er hálfsannleikur sem dregur athyglina frá spillingu sumra með því að einblína á aðra og þegja um hina.

Ef þú trúir því að vestræn öfl beiti ekki samsærum eða áróðri í hagsmunabaráttu sinni, þá verðurðu að eiga það við þig. Þau gera það samt.

[Wilhelm Emilsson, 12.4.2016 kl. 20:18]

Er ekki RÚV á bakvið þetta allt saman? :)