Uppskera eins og sáð var til

Ef alþjóðlegt fjármálaauðvald getur grætt á því að gera áhlaup á íslenska banka til þess að ræna hagkerfið, þá gerir það það. Gerði það það ekki einmitt núna í mars?

Íslenski bankamaðurinn sem var á þessum fyllirís-samsærisfundi erlendra svikahrappa í Reykjavík í janúar var sniðugur að koma ekki fram undir nafni. Réttast væri nefnilega að ákæra hann fyrir landráð. Hann verður þess áskynja að rán sé í vændum og varar ekki við því. Þvert á móti kaupir bankinn hans gjaldeyri, og hinir bankarnir líka (fengu þeir ábendingu?), svo að þeir reynast koma út í gróða á meðan allir hinir tapa. Ber þessi maður enga ábyrgð? Er allt í lagi að vera í vitorði um annan eins glæp, og veðja auk þess þannig að maður hagnist sjálfur? Heitir það ekki meira að segja að taka þátt í ráninu?

Þegar góðærið geisar, þá vill auðvaldið fá að leika lausum hala. Þegar harðnar á dalnum skríður það í skjól hjá ríkinu og vill að skattborgararnir borgi brúsann.

Bankaáhlaup hafið?

Athugasemdir

[Púkinn, 6.5.2008 kl. 19:03]

Það gat hver sem er séð að krónan var allt, allt of hátt skráð - það vara bara spurning um tím hvenær fallið yrði.  Er nokkur furða að menn reyni að tryggja sig?

[Vésteinn Valgarðsson, 6.5.2008 kl. 19:17]

Nei, það er ekkert skrítið, en einhverjir hefðu hugsað líka um hag meðborgaranna og gert lögreglu eða einhverjum viðvart um hvað stæði til.