Furðulega mikið fylgi Sjálfstæðisflokks

Það vekur furðu mína að stór hluti kjósenda virðist styðja Sjálfstæðisflokkinn alveg sama hvað. Ég held að flokkshollusta sé eitthvert mesta böl okkar. Það er illt þegar flokkar geta treyst því að sama fólkið kjósi þá aftur og aftur og aftur. Kannski að það hrikti eitthvað í stoðum þessarar óskiljanlegu tryggðar þegar borgarstjórnin heldur áfram að láta eins og hún lætur. Kannski að augu fleiri muni opnast eftir því sem Sjálfstæðisflokkurinn heldur áfram að verja vonlausan borgarstjóra falli og láta eins og valdaránið í vetur sé eðlilegasta mál. Þeir kalla þetta yfir sig sjálfir.

Fylgi Sjálfstæðisflokks minnkar mikið í Reykjavík

Athugasemdir

[Tinna Gunnarsdóttir Gígja, 14.5.2008 kl. 06:34]

"Ég kýs nú bara Sjálfstæðisflokkinn af því að pabbi kaus hann alltaf."

Nei, reyndar hef ég aldrei kosið hann.

Blind fylgni finnst mér alltaf skrýtin, hvort sem er við stjórnmálaflokk, trúarbrögð eða bíltegundir.

"Ég ek um á Skoda af því að pabbi átti alltaf Skoda."

[Vésteinn Valgarðsson, 14.5.2008 kl. 23:57]

Eða eins og í laginu góða, "Ég fór í Verzló, ég fór í Verzló af því pabbi vildi það, pabbi vildi það."