Kaupþing þjóðnýtt!

Texti tekinn beint og í leyfisleysi af heimasíðu RÚV:

Ríkið yfirtekur Kaupþing
Ríkið yfirtekur rekstur Kaupþings, á grundvelli nýju neyðarlaganna sem sett voru á mánudagskvöld, líkt og gert hefur verið með Landsbanka og Glitni. Fréttastofa Ríkisútvarpsins hefur þetta eftir áreiðanlegum heimildum. Þeir Hreiðar Már Sigurðsson forstjóri Kaupþings og Sigurður Einarsson stjórnarformaður, héldu á fund starfsmanna Fjármálaeftirlitsins skömmu eftir miðnætti. Fundur þeirra með eftirlitinu stóð í um hálfa klukkustund. Kaupþing er sá banki sem hefur stækkað mest síðustu ár.

Kaupthing Singer og Friedlander, dótturfélag Kaupþings í Bretlandi, var sett í greiðslustöðvun í gær. Nú er ljóst, -samkvæmt heimildum fréttastofu, - að ríkið mun yfirtaka bankann. Fréttatilkynning um yfirtöku Kaupþings verður gefin út með morgninum.