Fáviti

Það er fávitaskapur að leggja almenna Íslendinga að jöfnu við fjárglæfra- og óreiðumenn sem hafa leikið okkur enn grár en útlendingana sem urðu fyrir þeim.

Það er líka þess vegna sem við eigum ekki að hlusta á tal um "samstöðu". Það vorum ekki við sem byggðum þessa spilaborg eða felldum hana. Hvenær stóðu ráðamenn með okkur þegar við þörfnuðumst þess? Dæmi: Hvenær fannst þeim kominn tími til að bæta kjarasamninga umönnunarstéttanna? Hvenær var svigrúm til þess að bæta hag gamalmenna og öryrkja?

Við eigum hvorki að taka á okkur sökina gagnvart fúlum kaupmanni á Strikinu né gagnvart auðvaldinu þegar harðnar á dalnum.

Ég tók ekki þátt í góðærinu. Hvers vegna ætti ég að taka þátt í kreppunni?

Rekin úr búð í Danmörku

Athugasemdir

[Carlos Ferrer (IP-tala skráð) 17.10.2008 kl. 07:32]

Því miður er auðveldara að fara á mis við góðæri en kreppu. En, ef þú skuldar ekkert, færð laun á réttum tíma og þau brenna ekki upp á leiðinni í bakaríið ... þá ættirðu að geta sloppið.

[Vésteinn Valgarðsson, 17.10.2008 kl. 12:45]

Heh, ég er skuldlaus, starfa hjá ríkinu og bý steinsnar frá næsta bakaríi.

Ekki kemst ég samt hjá því að borga skatta, og ekki mun ég geta lifað hátt þegar ég fer til útlanda á næstunni. Nema þá að ég fari þangað til að vinna mér inn evrur.