Trúfélagsskráning

Vantrú minnir fólk á að leiðrétta trúfélagsskráningu sína ef hún er röng: Trúfélagaskráning - áminning.

Athugasemdir

[Sigurbjörn Friðriksson, 9.11.2008 kl. 16:10]

Hversvegna er fólk ekki spurt að því við sjálfræðisaldurinn 18 ára, í hvaða trúfélagi þeir vilja vera í? 

Ég var borinn inn í kirkju 3ja mánaða og skírður, án þess að fá að hafa nokkuð um það að segja.

Ég var fermdur 14 ára, hvort sem mér líkaði betur eða verr, þar varð ég að játast trúnni hvort sem mér líkaði betur aða verr, því ég hafði ekkert um það að segja, því foreldrarnir réðu, lögum samkvæmt.  Þar fékk ég fyrsta vínsopann, hvort sem ég vildi hann eða ekki.

Á ekki að banna samkvæmt lögum að múta 13-14 ára börnum með gjöfum og peningum að gangast Þjóðkirkjunni á hönd?  Eru ekki til lög fyrir þessu?

Þótt ég játi Kristna trú í dag, þá er það hvorki vegna skírnarinnar né fermingarinnar.  Ég aðhyllist ekki ríkistrúna "þjóðkirkjuna" og á því ekki að þurfa að segja mig úr henni, því ég vildi ekki fara í hana til að byrja með.

Helgi Hóseasson mótmælandi hefur barist fyrir því í mörg ár að fá að verða "afskírður", hví fær hann ekki lausn þeirra mála? 

Ég krefst þess að allir Íslendingar sem hafa verið skírðir eða fermdir undir lögaldri/sjálfræðisaldri, séu spurðir að því hvort þeir vilji fá að verða afskírðir/affermdir, þega þeir ná sjálfræðisaldri 18 ára.

Kær kveðja, Björn bóndi. 

[Vésteinn Valgarðsson, 10.11.2008 kl. 01:45]

Landslög banna fermingar barna sem eru ekki orðin fullra fjórtán ára. Annars þarf maður bara að vera 16 til að ráða trúfélagsskráningu sjálfur. Ég er hissa á að heyra að þú hafir verið neyddur til að fermast. Ég var nú bara lokkaður til þess, eins og flestir.

[Vésteinn Valgarðsson, 10.11.2008 kl. 01:46]

...annars þá ætti fólk hvorki að fæðast inn í trúfélög né þeir að borga sóknargjöld sem eru utan trúfélaga -- og reyndar ætti ríkið ekkert að sjá um að innheimta og greiða út sóknargjöldin yfir höfuð.