Ráddu þér ímyndarsérfræðing

Ég átta mig ekki á þessari frétt. Hvaða náungi er þetta? Er hann "kunnur"? Hver segir það? Aldrei hef ég heyrt um hann. Það orkar tvímælis þegar vestrænar fréttastofur eru að éta svona rugl upp eftir einhverjum "talsmönnum múslima". Er fréttin sú að múslimar séu almennt gyðingahatarar? Eða að þessi Yusuf sé hálfviti? Það er ekki fín lína milli and-semítisma og and-zíonisma. Línan er mjög skýr, þótt það átti sig ekki allir á henni. Bjánarnir eru í báðum herbúðum: Sumir gagnrýnendur zíonismans trúa að hann hafi eitthvað að gera með gyðinga sem slíka, og margir zíonistar láta eins og öll gagnrýni á zíonisma sé árás á gyðinga sem slíka. Hvort tveggja er rugl.

Hitler verkfæri Allah?

Athugasemdir

[Sveinn Tryggvason, 24.2.2009 kl. 12:03]

Sæll Vésteinn.

Eins og þú getur fræðst um m.a. á Wikipedia þá er þessi Yusuf ekki alveg ókunnur og m.a. í forsvari fyrir "European Council for Fatwa and Research" og í þessu snaggaralega klippi af YouTube sérðu þennan vandaða herra færa okkur þennan fallega boðskap sem fréttin er um. Þú getur e.t.v. áttað þig betur á fréttinni með því að skoða þetta samhengi.

Það er hins vegar ekkert nýtt að múslímskir fræðimenn, stjórnmálamenn og fleiri beri á borð svona hluti og þú ert því miður ekki sá eini sem kippir sér ekki upp við "svona rugl" eins og þú kallar þetta.

[Vésteinn Valgarðsson, 24.2.2009 kl. 14:53]

Sem ekki kippi mér upp við þetta? Lastu ekki seinni helminginn af færslunni?

[Sveinn Tryggvason, 25.2.2009 kl. 00:03]

Ég hef kannski misskilið þig en mér fannst eins og þér fyndist þetta ekki vera nein frétt.

[Vésteinn Valgarðsson, 27.2.2009 kl. 13:30]

Mér finnst það ekki vera stórfrétt að einhver afturhaldsskröggur sé fífl, ef það er það sem þú meinar. Hins vegar "kippi ég mér upp við" það þegar menn rugla umræðunni um Palestínu saman við umræðu um gyðingahatur, eins og það sé eitthvert meiriháttar atriði.