Kemur ekki á óvart

Tiltölulega efnileg ríkisstjórn kemst ekki langt ef Framsóknarflokkurinn er með hana í bandi. Hún var vígð með júdasarkossi.

Það er með endemum ef Framsóknarflokkurinn ætlar líka að verja Davíð Oddsson falli. Með endemum framsóknarlegt.

Þeð er líka vandræðalegt fyrir valdið að vera svona afhjúpað. Það er nakið og það sjá það næstum allir. Þótt það sé lengt í ólinni, kemst það ekki undan hinu óumflýjanlega. Davíð Oddssyni er kannski eini maðurinn sem getur ræst fram nýtt byltingarástand hérna með stuttum fyrirvara. Það er frekar einfalt, hann þarf bara að hanga á völdum eins og hundur á roði. Verði honum að góðu, það verður bara því sársaukafyllra fyrir alla og ekki síst hann sjálfan.

Framsókn skekur ríkisstjórnina