NEEEEEEI!!! 2

Það er um það bil hálft ár frá því ég bloggaði um skuldaskil mín við Kaupþing: NEEEEEEI!!! var titill þeirrar færslu. Þar birti ég bréf sem ég hafði þá nýsent til SPRON vegna fyrirhugaðs samruna við Kaupþing:

Ég var óánægður kúnni hjá Kaupþingi/KB banka/Búnaðarbankanum í mörg ár og hóf því viðskipti við SPRON nú í vor. Undanfarna mánuði hef ég verið harla ánægður sem viðskiptavinur SPRON, og hef ekki mikla löngun til að verða óánægður kúnni Kaupþings á nýjan leik. Mér þótti því miður að frétta að Samkeppniseftirlitið hefði heimilað Kaupþingi að yfirtaka SPRON, og vona að af því verði ekki. Ég skora því á stjórn SPRON að koma í veg fyrir að SPRON renni í hít Kaupþings. Þótt umskiptin í vor hafi verið ánægjuleg, þá vil ég helst sleppa við að þurfa að endurtaka umstangið sem fylgdi þeim.

Með bestu kveðjum,

Vésteinn Valgarðsson

Nú er spurning hvað skal taka til bragðs. Það er óneitanlega kitlandi að skipta um banka aftur. Eða að hætta bara að eiga viðskipti við þá. Ætli sé ekki hægt að fá launaávísanir sendar heim til sín ennþá? Ætli innlánadeild Kaupfélags Skagfirðinga bjóði upp á heimabanka?

SPRON til Kaupþings

Athugasemdir

[Vésteinn Valgarðsson, 22.3.2009 kl. 00:28]

Allt er betra en auðvaldið.

[HG (IP-tala skráð) 22.3.2009 kl. 01:09]

já einmitt auðvaldið

http://gunnaraxel.blog.is/blog/gunnaraxel/entry/832881/#comments

Farið hefur fé.....

[Sverrir Guðmundsson (IP-tala skráð) 22.3.2009 kl. 01:12]

Ég fæ kannski að frétta það hjá þér ef þú finnur fjármálastofnun sem þér líst skár á en þær sem er að finna í höfuðstaðnum. Er fastur hjá einum af nýju-bönkunum,en hef alveg hug á að flytja mig ef betra bíðst.

[Vésteinn Valgarðsson, 22.3.2009 kl. 23:54]

Það væri gaman að snúa sér til Grameen-bankans góða í Bangladesh. Ég veit samt ekki hvort það er einfalt.

Að öllu gamni slepptu, þá eru eftir sparisjóðir sem virka ennþá. Hvað með t.d. Sparisjóð Suður-Þingeyinga?

[ThoR-E, 23.3.2009 kl. 11:53]

Eða Gringots banka.. heitir hann það ekki ;) he he

Eflaust öruggari inneignin þar.

En svona án gríns, að þá skil ég vel óánægju þína. Ég er reyndar hjá Kaupþing.. með debetkort og bókarlausan reikning. Þeir hafa ekki valdið mér vonbrigðum enn. Ég hef getað fengið alla þjónustu og svo framvegis.

Spurning hvort bankinn sé ekki betri eftir að glæpalýðnum var hent út.

[Vésteinn Valgarðsson, 23.3.2009 kl. 12:46]

Það getur verið. Ég er bara kominn með algert ógeð á honum. Ef það er að ósekju núna, þá verður bara að hafa það.