Ögranir

"Kalla" Norður-Kóreumenn æfingarnar undirbúning fyrir innrás? Hvað heldur Morgunblaðið að svona heræfing snúist um annað en einmitt undirbúning fyrir innrás í Norður-Kóreu? Þessar heræfingar eru gróf ögrun, síst til þess fallnar að auka traust og stöðugleika á Kóreuskaga. Bandaríkjaher ætti að drulla sér heim til Bandaríkjanna.

Hóta að beita kjarnavopnum

Athugasemdir

[Þorri Almennings Forni Loftski, 17.8.2009 kl. 02:15]

Margt slæmt má segja um stjórnarfarið í Norður Kóreu samkvæmt þeim takmörkuðu tíðindum er þaðan berast. En er ekki aðal afbrot þeirra að standa fyrir utan alþjóðlega hagkerfisins? Eða réttara sagt glæpa- og blekkingarkerfis, hins sviðsetta sýndarveruleika í ímyndaðri verðmætasköpun auðhyggjunnar? Landið er óþolandi frávik í augum alþjóðlegu valdaaflanna. Myndin sem upp er dregin af landinu í meginmiðlum, minnir á illgjarnt hrekkjusvín þar sem skrattinn sjálfur stýrir ferðinni.

Auðvitað eru heræfingar iðkaðar með einhver markmið í huga. Jafnvel þó aldrei til aðgerða þurfi að koma. Það er erfitt að meta hvað er Kóreumönnum fyrir bestu í því villandi áróðursstríði, sem málefni Kóreuskagans einkennast af. Það ríkir aðeins vopnahlé, varanlegir friðarsamningar hafa ekki ennþá verið undirritaðir. En hinir vondu verða ekki eingöngu einhverstaðar að vera, þeir eru ómissandi fyrir ríkjandi valdakerfi.