"mannorðið"

Er eitthvað eftir af mannorði útrásarvíkinganna?

Ísland er dannað land. Hér er yfirleitt ekki æpt á eftir mönnum á götum úti, þótt þeir hafi unnið landi og þjóð til stórskaða. En fólk hugsar sitt. Og hver sem hefur komið inn á kaffistofu á vinnustað undanfarin 8 ár veit hvernig er talað um þá. Og hvað er mannorð, annað en það orð sem fer af manninum?

Ákæran svertir mannorðið

Af oddvitunum skuluð þér þekkja þá

"Íslenska þjóðfylkingin" afhjúpar hvað hún stendur fyrir. Gústaf Níelsson er þekktastur fyrir andúð sína á hommum og útlendingum, fyrir utan að hafa rekið fatafellustað. Reiður kall.

Önnur stefnumál eru til uppfyllingar. Gústaf sagði á dögunum að ÍÞ mundi ekki undir neinum kringumstæðum taka þátt í vinstristjórn, enda væri það glapræði. Skyldi hann ætla að kannski sannfæra Sjálfstæðisflokkinn um að rétta hlut aldraðra og öryrkja?

Lýðskrum og óttamakerí.

Gunnlaugur og Gústaf efstir hjá Þjóðfylkingunni

"51,5% þeirra sem náðist í tóku af­stöðu"

Þegar helmingur aðspurðra svarar ekki spurningunni, þá er ekki að marka niðurstöðuna í skoðanakönnun. Hún er bara ekki marktæk. Hvað mundu hinir segja? Við vitum það ekki, en ekki er ósennilegt að það mundi breyta útkomunni verulega. Og hvað kýs þetta fólk svo, og hverjir kjósa?

Ég man eftir könnun fyrir nokkrum árum, þar sem fólk var líka spurt hvað það hefði kosið síðast. Svörin við því voru verulega frábrugðin niðurstöðu þeirrar kosningar sem þá var spurt um. Það segir sitt um skekkjuna.

. . . . . . .

 

Hins vegar mæli ég með því að fólk kíki á heimasíðu Alþýðufylkingarinnar. Þar má m.a. líta framboðslistann í Reykjavík norður og í Norðausturkjördæmi, auk oddvitans í Suðausturkjördæmi.

Sjálfstæðisflokkurinn stærstur

Íhaldssöm gildi

Sjálfstæðisflokkurinn er íhaldsflokkur. Sá sem kemur inn í hann ætti ekki að verða hissa að mæta "íhaldssömum skoðunum og gildum".

Varaformaðurinn segir líka skilið við flokkinn

Marktækar tölur?

Neðst í fréttinni er hlekkurinn "nánar". Sé hann opnaður er ekki að sjá að MMR segi hvert svarhlutfallið var í könnuninni. Það kemur fram að 905 hafi svarað, en ekki hve margir hafi ekki svarað. Þetta skiptir máli. Allir sem vita eitthvað um skoðanakannanir vita, að lágt svarhlutfall gefur ómarktæka niðurstöðu. Einhvers staðar milli 55% og 65% er krítískur punktur, þar sem svörin fyrir neðan eru einfaldlega ekki þess virði að lesa þau. Það er þess vegna góð regla að taka ekki mark á skoðanakönnunum þar sem kemur ekki fram að svarhlutfallið sé að minnsta kosti tæplega 60%.

Meðal annarra orða, þá er Alþýðufylkingin að koma sterk inn.

Píratar og Sjálfstæðisflokkur hnífjafnir

Listi Alþýðufylkingarinnar í Reykjavíkurkjördæmi norður

Alþýðufylkingin gerir kunnugan framboðslista sinn í Reykjavíkurkjördæmi norður fyrir Alþingiskosningarnar 29. október 2016:

1. Vé­steinn Val­g­arðsson, stuðnings­full­trúi, Reykja­vík
2. Sól­veig Hauks­dótt­ir, hjúkr­un­ar­fræðing­ur, Reykja­vík
3. Gunn­ar Freyr Rún­ars­son, geðsjúkra­liði, Reykja­vík
4. Þóra Sverr­is­dótt­ir, leik­skóla­kenn­ari, Reykja­vík
5. Tinna Þor­valds­dótt­ir Önnu­dótt­ir, leik­kona, Reykja­vík
6. Sindri Freyr Steins­son, stuðnings­full­trúi, Reykja­vík
7. Axel Þór Kol­beins­son, tölvu­tækn­ir, Reykja­vík
8. Héðinn Björns­son, jarðfræðing­ur, Dan­mörku
9. Sig­ríður Krist­ín Kristjáns­dótt­ir, námsmaður, Reykja­vík
10. Jón Karl Stef­áns­son, for­stöðumaður, Reykja­vík
11. Ásgeir Rún­ar Helga­son, dós­ent í sál­fræði, Svíþjóð
12. Ein­ar Andrés­son, fanga­vörður, Reykja­vík
13. Sól­ey Þor­valds­dótt­ir, starfsmaður í veit­inga­húsi, Reykja­vík
14. Krist­leif­ur Þor­steins­son, tölv­un­ar­fræðing­ur, Kópa­vogi
15. Ólaf­ur Tumi Sig­urðar­son, há­skóla­nemi, Reykja­vík
16. Elín Helga­dótt­ir, sjúkra­liði, Reykja­vík
17. Ingi Þóris­son, námsmaður, Hollandi
18. Stefán Ingvar Vig­fús­son, listamaður, Reykja­vík
19. Lúther Maríuson, afgreiðslumaður, Reykjavík
20. Vikt­or Penal­ver, ör­yrki, Hafnar­f­irði
21. Björg Kjart­ans­dótt­ir, sjúkra­liði, Reykja­vík
22. Örn Ólafs­son, bók­mennta­fræðing­ur, Dan­mörku

Heimasíða Alþýðufylkingarinnar

Vésteinn Valgarðsson leiðir lista Alþýðufylkingarinnar í Reykjavíkurkjördæmi norður

Þetta var að koma fyrir sjónir almennings:

Vésteinn Valgarðsson leiðir lista Alþýðufylkingarinnar Reykjavíkurkjördæmi norður haustið 2016. Vésteinn er fæddur 1980 og hefur starfað sem stuðningsfulltrúi á endurhæfingargeðdeild Landspítalans á Kleppi síðan 2001. Vésteinn er sagnfræðingur frá Háskóla Íslands (BA 2005). Sambýliskona hans er Gunnvör Rósa Eyvindardóttir, stjórnmálafræðingur.

 

Vésteinn hefur lengi verið virkur í félagsstörfum og stjórnmálum, m.a. í Félaginu Íslandi-Palestínu, Samtökum hernaðarandstæðinga, Vantrú, Rauðum vettvangi og er varaformaður Alþýðufylkingarinnar. Vésteinn ritstýrði vefritinu Eggin.is frá 2003 til 2008. Vésteinn hefur verið trúnaðarmaður SFR - stéttarfélags í almannaþjónustu á Kleppsspítala síðan 2006.

 

Heimasíða Alþýðufylkingarinnar

Guðmundur Magnússon leiðir lista Alþýðufylkingarinnar í Suðvesturkjördæmi

Guðmundur Magnússon leikari leiðir lista Alþýðufylkingarinnar í Alþingiskosningum 2016. Guðmundur er fæddur í Reykjavík 1947. Hann útskrifaðist sem leikari 1968. Guðmundur varð fyrir slysi 1976 og hefur verið lamaður síðan. Hann hefur starfað með Sjálfsbjörg, SEM samtökunum og Öryrkjabandalaginu, og var formaður ÖBÍ í fjögur ár.

Guðmundur hefur unnið sem leikari og leikstjóri, kennt á námskeiðum í leiklist og framsögn og við Herynar- og talmeinastöðina. Hann hefur verið forstöðumaður Dagvistar Sjálfsbjargarheimilisins.

Aðgengismál fatlaðra hafa verið Guðmundi mjög hugleikin og hann segir leiðarljós sitt vera samning Sameinuðu þjóðanna um rétt fólks með fötlun. Hann situr í verkefnisstjórn um notendastýrða persónulega aðstoð.

Guðmundur var í KSML þegar hann var ungur. Hann er stofnfélagi í Vinstri-grænum og var varaþingmaður þeirra fyrir Reykjavíkurkjördæmi suður, og sat sem slíkur á þingi 2005 og 2008.

Fjögurra ára áætlun Alþýðufylkingarinnar

Í kosningabaráttunni 2013 báru okkur margir á brýn, að stefnuskráin væri of almennt orðuð og ekki nógu konkret. Vera má að það sé rétt -- en markmiðið á sínum tíma var að stefnuskráin væri bæði stutt og hún gæfi tóninn fyrir stefnuna, frekar en að vera mjög ítarleg. Jæja, nú er hún komin, skráin sem svarar spurningunum sem brunnu á vörum ykkar, kæru landsmenn:

4 ára áætlun

Alþýðufylkingarinnar

Alþýðufylkingin gefur út stefnuskrá

Víst trúverðug stefna frá kapítalísku bankakerfi

Íslend­ing­ar eru nú í þeirri stöðu að geta ákveðið hvernig þeir vilja hafa banka­kerfið í framtíðinni og sagt stopp við því að hrein kapí­talísk hugs­un og banka­kerfið sé alls­ráðandi í stjórn­kerf­inu hér á landi. Samt sem áður hef­ur eng­inn stjórn­mála­maður eða fram­bjóðandi fyr­ir þing­kosn­ing­arn­ar í haust komið með trú­verðuga stefnu í þess­um mál­efn­um. Þetta sagði Andrés Jóns­son al­manna­teng­ill í þætt­in­um Viku­lok­um á Rás 1 í dag.

Hér varð Andrési á í messunni. Alþýðufylkingin er nefnilega með trúverðuga stefnu um að félagsvæða fjármálakerfið, en með því eigum við reyndar ekki bara við bankakerfið, heldur líka lífeyrissjóðina og tryggingafélögin. -- Félagsvæðing fjármálakerfisins er raunar leiðarstefið í stefnuskrá okkar og lykillinn að farsæld þjóðarinnar. Með félagsvæðingu eigum við andstæðuna við markaðsvæðingu, þ.e. ekki bara opinberan rekstur, heldur að viðkomandi starfsemi sé ekki rekin í gróðaskyni heldur sem þjónusta við fólkið í landinu. Þannig ætti að reka fjármálastarfsemina, tilgangur hennar á að vera að bjóða almenningi hagstæða fjármálaþjónustu. Það á ekki að vera neinn annar tilgangur með fjármálastarfsemi í landinu.

Lykilatriði er að öll fjármálastarfsemi verði félagslega rekin svo hún hætti að soga til sín stóran hluta verðmæta úr hagkerfinu til ágóða fyrir fámennan minnihluta.

Lesið: Stefnuskrá Alþýðufylkingarinnar.

 

Geta sagt stopp við bankakerfið

Lýðræðislega lýðveldið Kongó

Fréttin talar um kjörskrá í "Lýðveldinu Kongó". Með henni er mynd af Joseph Kabila, forseta Lýðræðislega lýðveldisins Kongó (e. Democratic Republic of the Congo). Landið við hliðina á því landi heitir (á ensku) "Republic of the Congo", oft kallað Kongó-Brazzaville, eftir höfuðborginni.

Fyrir nokkrum árum flutti Mbl.is frétt af því að skotið hefði verið á skipalest Kabila forseta í Kóngó. Í ensku fréttinni stóð "convoy" -- sem þýðir líka bílalest, en það var einmitt bílalest forsetans sem var skotið á.

Hvað er þetta með Mbl.is og þýðingar sem tengjast Kongó?

Vill seinka kosningum í Kongó

Vesturblokk og Sýrlandsstríð

Þórarinn Hjartarson skrifar á vef Alþýðufylkingarinnar: Vesturblokkin og Sýrlandsstríðið.

Alþýðufylkingin fundar á Akureyri á morgun laugardag

Alþýðufylkingin heldur opinn kynningarfund á Café Amour á Akureyri kl. 14 á morgun, laugardag.

Nánar hér: Alþýðufylkingin fundar á Akureyri á laugardag

Rammpólitísk umsögn

Loks seg­ir þar að al­mennt sé ekki talið heppi­legt að hið op­in­bera hafi mik­il af­skipti eða beiti mikl­um inn­grip­um á hús­næðismarkaði frem­ur en á öðrum mörkuðum hag­kerf­is­ins, nema þá helst til að mæta tíma­bundn­um markaðsbresti í af­mörkuðum til­gangi. [leturbreyting mín]

 

Þessi texti er greinilega skrifaður af einhverjum sem er gegnsósa af markaðshyggju, væntanlega eftir að hafa drukkið yfir sig af borgaralegri hagfræði. Hvað ætli fólki finnist um árangur markaðarins við að koma hér á húsnæðiskerfi þar sem allir hafa efni á því sem þeir þurfa? Ætli fólk sé almennt þess sinnis?

Íbúðafrumvarp hækki fasteignaverð

Stríð um heimsyfirráð: Hnattræn auðvaldselíta þolir ekki sjálfstæð ríki

Þórarinn Hjartarson skrifar massagrein á vef Alþýðufylkingarinnar:

Stríð um heimsyfirráð: Hnattræn auðvaldselíta þolir ekki sjálfstæð ríki

Rosalega lélegt

Ef frammistaða manns er svo léleg að birting hennar mundi fæla burtu ferðamenn, þá er þöggun kannski á sinn hátt eðlilegt framhald af þessari að öðru leyti lélegu frammistöðu.

Þetta minnir mig á það þegar nepölsk yfirvöld höfðu áhyggjur af fækkun ferðamanna árið 2004. Ástæðan var að það hafði verið borgarastríð í landinu í 8 ár. "Lausn" stjórnvalda var að fá öndunargúrúinn Ravi Shankar til að koma og efna til einhverrar uppákomu, í von um að laða að indverska pílagríma.

Það var samt ekki eins lélegt og þetta, þótt það megi hafa mismunandi skoðun á því hvort sé sturlaðra.

Ástralar létu ritskoða SÞ-skýrslu

Alþýðufylkingin: Opinn fundur annað kvöld

Á morgun miðvikudag kl. 20 heldur Alþýðufylkingin opinn fund í Friðarhúsi um Alþingiskosningarnar framundan. Þorvaldur Þorvaldsson kynnir drög að kosningastefnuskrá. Umræður um kosningaundirbúning. Allir velkomnir nema auðvaldið!

Sjá nánar hér. 

Barnabarn

Ef Friðrik átti Samúel sem átti Lovísu sem átti Friðriku ... hvernig getur Friðrika þá verið barnabarn Friðriks?

 

-- -- -- --

Að deyja tveim vikum eftir að hafa fætt áttunda barnið hljómar eins og erfitt líf og ömurlegur dauðdagi. Dauði af barnsförum er sem betur fer sjaldgæfur á Íslandi nú til dags, en ömurlegt til þess að hugsa hvað hann er ennþá algengur í mörgum fátækum löndum.

Íslensk prinsessa í ómerktri gröf

Það var grein eftir mig á Vantrú í gær:

Íslendingar, framfarirnar og kirkjan

Þorvaldur í sjónvarpsviðtali á Hringbraut

Þorvaldur Þorvaldsson, formaður Alþýðufylkingarinnar, var í viðtali á sjónvarpsstöðinni Hringbraut í fyrrakvöld og ræddi þar starf og stefnu flokksins.

>> Horfið á þáttinn hér <<