"vegna ágreinings um trú, kynþætti og hugmyndafræði"

Ég trúi því ekki að menn berjist í tuttugu ár "vegna ágreinings um trú, kynþætti og hugmyndafræði". Það er aðeins eitt sem fær menn til að berjast í margra ára stríði, og það eru hagsmunir. Menn grípa kannski til trúar, kynþátta, hugmyndafræði eða annars slíks til að réttlæa baráttuna, en ég veit ekki um neitt -- ég endurtek: ekki neitt -- tilfelli þar sem trú, kynþáttur eða hugmyndafræði er raunveruleg ástæða átaka. Sjá nánar í nýlegri grein eftir sjálfan mig: Sviðsett trúarbragðastríð.

Drög að samkomulagi í Súdan

Athugasemdir

[proletariat, 10.6.2008 kl. 21:57]

það er erfitt að skilja á milli. í sumum tilfellum.

Alla vega þegar um er að ræða micro level, macro level er önnur saga.

Engin stríð, hafa átt sér stað án efnahagslegra hagsmuna, 3ja heims styrjöldin mun hafa sama undirtón og aðrar styrjaldir.

efnahagslegar,

[Margrét St Hafsteinsdóttir, 11.6.2008 kl. 00:49]

Snérist ekki Þrælastríðið um kynþátt, trú og hugmyndafræði?

[Vésteinn Valgarðsson, 11.6.2008 kl. 01:04]

Þrælastríðið snerist um efnahagslega og pólitíska samkeppni Norður- og Suðurríkjanna um forræði í Bandaríkjunum, keppni milli iðjuhölda og plentekrueigenda, milli hálf-lénskra framleiðsluhátta og borgaralegra framleiðsluhátta, milli hráefnanýlendustefnu og iðnaðarstefnu. Þrælahald var ekki einu sinni aðalatriðið í því stríði, þótt það hafi skipt miklu í réttlætingu og áróðri Norðurríkjanna gegn Suðurríkjunum og auðvitað vakið upp heitar tilfinningar.