Lærdómsríkt

Í þessu húsi komu ítrekað upp fíkniefnamál fyrir nokkrum árum, þar sem "einhverjir aðilar" höfðu keypt eina íbúðina og leigðu hana út til fíkla. Stöðugur straumur af handrukkurum, fíklum og dópsölum sá um að hrekja aðra íbúa hússins í burtu og lækka fasteignaverðið. Tilgangurinn: Að láta þetta gamla, fallega hús grotna niður, fá svo leyfi til að rífa það þegar það er orðið nógu hrörlegt og smíða í staðinn sálarlausan steypuklump, með öðrum orðum: Óprúttnar, en sennilega löglegar, aðferðir notaðar til þess að græða peninga á því að kremja sálina úr miðbæ Reykjavíkur. Allt saman í skjóli "einkaeignarréttar" sem er "helgur" samkvæmt stjórnarskrá valdastéttarinnar.

Það kom í sjálfu sér ekkert á óvart við þetta allt saman, annað en hvað lögreglan virðist hafa beitt miklu harðræði án þess að hafa ástæðu til þess. Eða hvað? Þessi hústaka var ekki gerð í neyð, heldur var hún pólitísk. Hún var fordæmisgefandi aðför að sjálfum einkaeignarréttinum. Var löggan ekki bara að sýna í verki að hún lætur hendur skipta þegar hagsmunir valdastéttarinnar eru í húfi?

Í vegi fyrir glæsihúsi

Athugasemdir

[Ingvar Jónsson, 15.4.2009 kl. 15:05]

Eða kannski bara fara að lögum??? Allt í einu erum við öll orðin rosa rauðir kommar sem benda stórum fingri framan í stjórnvöld og auðmenn. En hvað veit ég, ekki bý ég í 101, er ekki nógu listrænn til þess ;)

[Daníel Sigurður Eðvaldsson, 15.4.2009 kl. 15:19]

hmm ... er fólk núna brjálað út í eignaréttinn. Má fólk ekki eiga neitt lengur? Ótrúlegt hvað maður getur hraunað yfir stjórnmálafólk endalaust um allskonar mál og nú er það nýjasta fjallið ... eignaréttur. Hvar endar þetta?

[Hildur Helga Sigurðardóttir, 15.4.2009 kl. 15:36]

Í enskumælandi löndum eru "ábyrgir eigendur", á borð við þá sem nú hafa aftur fengið Vatnsstíginn í hendur, kallaðir SLUMLORDS.

Í Danmörku BOLIGHAJER

Er ekki kominn tími til að orðhagir Íslendingar komi með innlent heiti yfir fyrirbærið, sem virðist komið til að vera...

[Hlédís, 15.4.2009 kl. 15:42]

Tek nafngift á slíka kóna til alvarlegrar íhugunar!

[Eva Hauksdóttir (IP-tala skráð) 15.4.2009 kl. 16:12]

Ekki kom þetta harðræði mér á óvart. Enda búin að sjá tilefnislaust lögregluofbeldi nógu oft til að reikna með því sem hluta af eðlilegri valdníðslu.

[Vésteinn Valgarðsson, 15.4.2009 kl. 17:19]

Ingvar Jónsson: Ef keðjusagir og efnavopn eru eina leiðin sem þér dettur í hug til að leysa svona sitúasjón, þá er það óhugnanlegur þankagangur.

Daníel: Má fólk ekki eiga neitt lengur? Heldurðu að þetta snúist um að rífa skyrtuna af bakinu á þér og rótarfyllingarnar upp úr tönnunum á þér? Eða ertu að þykjast misskilja?

Eva: Lögregluofbeldi kemur mér ekki á óvart, út af fyrir sig, þótt mér bregði vanalega við það -- en ég man ekki eftir að hafa séð lögguna nota keðjusög nýlega.

[sigrún (IP-tala skráð) 15.4.2009 kl. 18:29]

efnavopn sem bræða málningu af veggjum og keðjusög í gegnum loft þar sem fólk sat á efri hæð. tennur brotnar og spelkur rifnar af úlnliðsbrotnum manni.

þetta er virkilega óhugnalegt.

allt út af húsi sem eigandinn hafði engan áhuga á, nema í þeim tilgangi að láta drabbast niður svo hann gæti grætt aðeins meiri peninga. 

[Hlédís, 15.4.2009 kl. 18:51]

Í fjölmiðlum hljómar alltaf sami englasöngur óreiðu-löggunnar um eigin skort-á-ofbeldisleysi.

[Vésteinn Valgarðsson, 15.4.2009 kl. 22:58]

Sigrún: "efnavopn sem bræða málningu af veggjum og keðjusög í gegnum loft þar sem fólk sat á efri hæð. tennur brotnar og spelkur rifnar af úlnliðsbrotnum manni"

Öh.. Hvar heyrðirðu um allt þetta?

[Eva Hauksdóttir (IP-tala skráð) 15.4.2009 kl. 23:12]

Ég hef fengið þessa sögu Sigrúnar staðfesta.

[Vésteinn Valgarðsson, 15.4.2009 kl. 23:53]

Ja hérna, ég er gáttaður ef satt reynist.

[Halldór Carlsson (IP-tala skráð) 16.4.2009 kl. 17:01]

Steinunn fékk heilahristing og vel það -  hádegisfréttir RÚV:

http://dagskra.ruv.is/ras2/4435632/2009/04/16/6/ 

mjög harkalegar aðferðir. og að vel yfirlögðu ráði, þegar enginn var fyrir utan til að hjálpa þeim.

á meðan krakkarnir 18 voru lokuð inni, blaðaði Bjarni Ármannsson í norskum fyrirtækjaauglýsingum.

og Jón Ásgeir athugaði hvort vídeóvélarnar á húsinu hans á Fjólugötunni miðuðu ekki á Range Roverinn.  

eignaréttur verktaka á Íslandi er heilagur, öllu yfirsterkari.

jafnvel þegar um ræðir vernd á húsum með sögu, sem skipulega eru látin grotna niður til að reisa húsklasa sem engan vantar og myndi ekki slejast í bráð.

í einu þessara húsa, sem á að rífa fyrir AV-klasann, bjó Þórbergur Þórðarson um tíma, - á Laugavegi 33.

þar í kjallaranum sá ég elgömul, steypt ker.

lögreglan var einmitt kölluð til vegna þess að allir vita að oftar en ekki vinna hústökukrakkar á meginlandi Evrópu - ég hef sjálfur séð þess dæmi í Vín, London, Amsterdam og Köben .

oftast verða slík hús að félagsmiðstöðvum.

en hér? - nei, ekkert Bernhöftstorfu/ Kristjaníusyndróm hér.

stoppa það strax - áður en td Fríbúðin gæti orðið vinsæl og unnið sér hefðarrétt.

en yfirvöldin hafa ekki endalaus ráð gegn anarkisma:

í Vondelpark í Amsterdam byrjuðu nokkrir krakkar með ólöglegan útimarkað á áttunda áratugnum.

löggan henti þeim út.

næsta laugardag komu krakkarnir aftur.

löggan henti þeim út.

þarnæsta laugardag komu krakkarnir aftur með flóamarkaðsskranið.

nú er markaður þar á hverjum einasta laugardegi.

[Vésteinn Valgarðsson, 17.4.2009 kl. 01:09]

Eftir aðfarir lögruglunnar efast ég um að það verði mikið gagn í þessu tiltekna húsi í bráð. En það er svo sem nóg til af yfirgefnum húsum, þökk sé blessuðu auðvaldinu.