Alvöru aðgerðir í þágu heimilanna

Undanfarið kjörtímabil hef ég oft og margsinnis tjáð óánægju mína með ríkisstjórn Samfylkingarinnar og Vinstri-grænna. En satt að segja er ég ennþá óánægðari með Framsóknarflokkinn og Sjálfstæðisflokkinn. Ef landsmenn kjósa þá kóna yfir sig, þá verður sko farið úr öskunni í eldinn. Það er nákvæmlega ekkert að marka loforð þeirra um aðgerðir í þágu heimilanna. Eina raunhæfa aðgerðin í þágu heimilanna, sem ég hef heyrt boðaða í umræðunni undanfarið, er félagsvæðing fjármálakerfisins og þar með stórlækkaður vaxtakostnaður. Það er alvöru aðgerð. Og Sjálfstæðisflokkurinn og Framsóknarflokkurinn eru sko ekki að fara að félagsvæða fjármálakerfið, því get ég lofað ykkur.  Þorvaldur Þorvaldsson, formaður Alþýðufylkingarinnar, hélt erindi um félagsvæðingu fjármálakerfisins, sem mér þykir skýra sjónarmið okkar vel: Félagsvæðing fjármálastarfseminnar.

Sjá einnig: Svona minnkum við vægi verðtryggingarinnar.

Fyrirheit „í þágu heimilanna“

Tvískinnungshátturinn afhjúpar tækifærisstefnuna

Það þarf forhertan haus til að sjá ekki þversögnina í því að "telja hagsmunum Íslands betur borgið utan Evrópusambandsins" en vilja samt halda áfram aðlögunar- og samningaferlinu. Ég hefði getað kyngt ýmsum málamiðlunum sem VG hafa gert fyrir ríkisstjórnarsamstarfið, en að samþykkja ESB-umsókn er eitt af því sem ég get ekki sætt mig við. Sá sem vill ekki ganga í sambandið sækir hvorki um aðild að því, né samþykkir umsókn um aðild að því, né kýs flokk sem gerir það. Það er svo einfalt.

Alþýðufylkingin er eini vinstriflokkur á Íslandi sem er fortakslaust á móti ESB-aðild. Stefnuskrá hennar tekur af öll tvímæli um það og framhaldsstofnfundur okkar um síðustu helgi lagði enn frekari áherslu á andstöðuna í Ályktun um Evrópusambandið.

Alþýðufylkingin er flokkur sem vinstrisinnaðir fullveldissinnar geta fylkt sér um og stutt án þess að vera með óbragð í munninum.

VG vill ljúka ESB-viðræðum

Tvískinnungshátturinn afhjúpar tækifærisstefnuna

Það þarf forhertan haus til að sjá ekki þversögnina í því að "telja hagsmunum Íslands betur borgið utan Evrópusambandsins" en vilja samt halda áfram aðlögunar- og samningaferlinu. Ég hefði getað kyngt ýmsum málamiðlunum sem VG hafa gert fyrir ríkisstjórnarsamstarfið, en að samþykkja ESB-umsókn er eitt af því sem ég get ekki sætt mig við. Sá sem vill ekki ganga í sambandið sækir hvorki um aðild að því, né samþykkir umsókn um aðild að því, né kýs flokk sem gerir það. Það er svo einfalt.

Alþýðufylkingin er eini vinstriflokkur á Íslandi sem er fortakslaust á móti ESB-aðild. Stefnuskrá hennar tekur af öll tvímæli um það og framhaldsstofnfundur okkar um síðustu helgi lagði enn frekari áherslu á andstöðuna í Ályktun um Evrópusambandið.

Alþýðufylkingin er flokkur sem vinstrisinnaðir fullveldissinnar geta fylkt sér um og stutt án þess að vera með óbragð í munninum.

Unir niðurstöðunni um ESB

Steingrími bolað burt

Þann 13. febrúar síðastliðinn greindi Sandkorn í DV frá því að mjög væri þrýst á Steingrím J. Sigfússon að víkja sem formaður VG, til þess að minnka skaðann í komandi kosningum. Fram kom að jafnframt væri þrýst á Katrínu Jakobsdóttur að gefa kost á sér í hans stað, en hún hefði tekið dræmt í það.

Þann 14. febrúar reyndi Steingrímur að bera sig vel í viðtali við fréttastofu Ríkisútvarpsins: „Ég hef ekkert annað gefið í skyn en það standi til. Ég er formaður og var kosinn á landsfundi 2011 og ég veit ekki til þess að ég hafi gefið mönnum tilefni til vangaveltna um neitt annað.“

Þann 15. febrúar fjallaði DV aftur um að reynt væri að fá Steingrím til að víkja og Katrínu til að taka sæti hans.

Þann 16. febrúar tilkynnir Steingrímur loks að hann muni ekki gefa kost á sér til endurkjörs. Auðvitað sagðist hann ekki vera að bregðast við minnkandi fylgi í skoðanakönnunum – hverjum hefði nú getað dottið það í hug? – en hann trúði því samt að ákvörðun hans yrði til góðs fyrir flokkinn. Ansi er ég hræddur um að það sé of seint í rassinn gripið. Og auðvitað sagði hann, eins og hann hefur svo oft orðað það áður, að hann hefði nú aldrei ætlað að verða eilífur augnakarl í þessum stóli. Þvert á móti þætti honum vera kominn tími fyrir kynslóðaskipti.

Lesið restina af þessari grein: Steingrími bolað út: Pólitísk eftirmæli.

Katrín fékk 98% í formannskjöri

Húsnæði og mannauður

Mikið er það skrítið, að það sé hægt að byggja þúsundir fermetra af spítalabyggingum, en ekki koma til móts við kröfur hjúkrunarfræðinga og annarra heilbrigðisstétta um löngu tímabærar kjarabætur. Og hvernig á að borga laun til að manna allar nýju byggingarnar?

Auk þess spurning, sem ég sendi á tölvupóstfangið, sem er gefið upp á heimasíðu Nýs Landspítala, en fékk aldrei svar við: Hvers vegna er ekki gert ráð fyrir nýrri geðdeildarbyggingu?

Barátta fyrir mannsæmandi aðstöðu

Auðvelt að vera staðfastur í stjórnarandstöðu

Það er ódýrt að vera staðfastur þegar maður er í stjórnarandstöðu. Ef menn komast í ríkisstjórn snýst dæmið gjarnan við. Þá verða menn raunsæir og ábyrgir. Til eru nýleg dæmi sem sýna þetta. Mér hefur nú þótt lítið til ríkisstjórnarinnar koma, en hinir eru nú ekki frýnilegri. Verst að það sé ekki hægt að gera byltingu gegn stjórnarandstöðunni.

Icesave mælikvarði á staðfestuna

"þurfti"

Landtökubyggðir Ísraela á Vesturbakkanum, herteknu landi, eru brot á alþjóðalögum. Mótmæli gegn byggingu fleiri slíkra eru bæði réttmæt, og nauðsynleg til þess að sporna gegn því að Vesturbakkinn verði hlutaður ennþá meira í sundur. Á sundurlimuðum Vesturbakka mun aldrei rísa palestínskt ríki og þar með aldrei verða samið um frið á grundvelli tveggja-ríkja-lausnar. En það hefur líklega aldrei staðið til, a.m.k. ekki af hálfu ísraelskra stjórnvalda.

Ísraelsher hrekur mótmælendur á brott

Fullveldiskostur til vinstri

Úr stefnuskrá Alþýðufylkingarinnar:

Alþýðufylkingin berst skilyrðislaust gegn aðild Íslands að Evrópusambandinu, NATO og öðrum bandalögum heimsvaldasinna. Alþýðufylkingin beitir sér gegn óheftum fjármagnsinnflutningi til landsins og hvers konar skerðingu á fullveldi þjóðarinnar. Einnig styður Alþýðufylkingin baráttu annarra þjóða fyrir eigin fullveldi og gegn hvers konar arðráni og kúgun. Ísland á að beita sér í þágu friðar og réttlætis á alþjóðavettvangi.

Nánar á bráðabirgðavefsetri Alþýðufylkingarinnar.

Vantar fullveldiskost til vinstri

Alþýðufylkingin í Harmageddon

Þorvaldur Þorvaldsson, sem er í bráðabirgðastjórn Alþýðufylkingarinnar, var í viðtali í útvarpsþættinum Harmageddon á dögunum. Viðtalið er nú komið á netið: Hlustið á það.

Viðtal við Þorvald á Smugunni

Ég vek athygli á viðtali við Þorvald, sem er nýbirt á Smugunni: Alþýðufylkingin ætlar að sækja um listabókstaf -- stefnt að framboði á landsvísu.

Lesið líka stefnuskrá Alþýðufylkingarinnar.

Við ríðum á vaðið

Vinstrisinnað fólk þarf að hafa vinstrisinnaða stjórnmálahreyfingu. Nú er hún fædd.

Það er ekki úr vegi að benda á nánari upplýsingar: http://www.althydufylkingin.blogspot.com/ 

Ný stjórnmálasamtök stofnuð

Gamli sáttmáli og Nýi sáttmáli

Á gamlársdag bloggaði ég um 750 ára afmæli Gamla sáttmála og stakk í leiðinni upp á að ESB-samningur yrði kallaður Nýi sáttmáli. Agli Helgasyni þótti uppástungan "hálf sorgleg" en Páli Vilhjálmssyni virtist lítast betur á hana.

Nú var þessi bloggfærsla stutt og ekki til þess fallin að fara djúpt í saumana, en henni var ekki ætlað slengja bara fram einhverju smellnu slagorði. Ég meina það, að ESB-samningurinn ætti að heita Nýi sáttmáli. Og nú er ég búinn að skrifa grein þar sem ég útskýri það nánar. Gjörið svo vel

Gamli sáttmáli, Nýi sáttmáli og valkostur fyrir alþýðuna

Framtíð íslenskrar vinstrihreyfingar

Rauður vettvangur boðar til fundar í Iðnó laugardaginn 6. október kl. 13. Framsögumenn verða Andrés Magnússon geðlæknir, Guðbergur Egill Eyjólfsson bóndi og háskólanemi, Sigurlaug Gunnlaugsdóttir sagnfræðingur og Þorvaldur Þorvaldsson trésmiður.

Nú þegar æ fleiri vinstrimenn þykjast sviknir af stefnu núverandi ríkisstjórnar vaknar umræðan um þörf fyrir nýjan, trúverðugan vinstriflokk fyrir næstu kosningar. Á vinstrisinnuð ríkisstjórn að bjarga einkareknum bönkum og viðhalda aðstöðu þeirra til að féfletta almenning, eða að taka fjármálastofnanir í þjónustu fólksins? Á vinstrisinnuð ríkisstjórn að binda íslenskt samfélag á klafa evrópsks auðvalds til frambúðar, eða styrkja fullveldið þjóðinni til hagsbóta? Á vinstrisinnuð ríkisstjórn að auka ítök auðvaldsins á auðlindum lands og sjávar, eða efla félagsleg yfirráð þjóðarinnar yfir þeim? Þessar og fleiri spurningar þurfa vinstrimenn að ræða af alvöru og finna niðurstöðunni farveg við hæfi.

Gyðingakirkjuna?

Hvað er "gyðingakirkja" eiginlega? Og:

Þeir sem skráðir eru í kirkju kaþólskra, lúterskra eða gyðingakirkjuna borga kirkjugjald sem nemur 8-9% af tekjuskatti.

...geta þessar tölur verið réttar?

Fá ekki kirkjulega jarðarför nema borga skattinn

Skipalest

Maðurinn var fangelsaður fyrir að hafa kastað steinum í skipalest forsetans

Orðið "convoy" getur þýtt skipalest. En það getur líka þýtt bílalest. Hvort ætli hafi verið tilfellið? Ætli Mogginn sé að spara með því að láta þýðingarforrit sjá um erlendar fréttir?

Neita að láta lík af hendi

Mætið, mætið öll

...nema nasistar. Í dag eru tvö ár frá hruni og lítið hefur þokast í rétta átt. Mætum á útifundinn og látum í ljós hvað okkur finnst um ástandið og afrekaskrá ríkisstjórnarinnar.

Útifundur á Lækjartorgi

Gamla góða skiltið mitt

Ég var með skilti sem hefur sést á mörgum öðrum mótmælum, en á því stendur stórum stöfum: Kratar eru höfuðstoð auðvaldsins. Spjaldið er frekar veigalítið og gert úr masoníti. Nú, í einni vindkviðu í fyrrakvöld fauk það af spýtunni og beint í hausinn á tveim stelpum sem áttu sér einskis ills von. Þær meiddu sig sem betur fer ekki, en virtist hafa brugðið í brún. Ég lái þeim það svo sem ekki, hverjum finnst gaman að fá fjúkandi skilti í andlitið? Lærdómurinn er þessi: Það er ekki nóg að klæða sig eftir veðri, skilti þurfa líka að þola veðrið.

Meiddist á Austurvelli

Aðfarirnar

Hver getur haldið aftur af tárunum, þegar siðmenningin er komin niður á það plan að fólk sé farið að skeyta skapi sínu á saklausum bönkum?

Réðist inn í Landsbankann

Eggjum kastað

Það var æðrulaus karl sem fékk fugladrit í höfuðið og þakkaði guði fyrir -- að þetta hefði verið kría en ekki vængjuð belja.

Nú, til eru lönd þar sem fólk kastar ekki eggjum heldur grjóti eða handsprengjum. Einhver hefði nú bara verið feginn að fá í sig egg, í samanburði við það.

Eggjum kastað í alþingismenn

Borgaraleg skinhelgi

Ég mundi alveg treysta konu til að starfa með börnum þótt hún hefði áður starfað sem vændiskona. Vændi stundar fólk sjaldnast vegna siðferðisbrests, heldur vegna neyðar. Það væri frekar ástæða til að spyrja sig hvort þeim körlum er treystandi, sem kaupa vændi.

Fyrrum vændiskonur fái ekki að kenna börnum