Ögranir

"Kalla" Norður-Kóreumenn æfingarnar undirbúning fyrir innrás? Hvað heldur Morgunblaðið að svona heræfing snúist um annað en einmitt undirbúning fyrir innrás í Norður-Kóreu? Þessar heræfingar eru gróf ögrun, síst til þess fallnar að auka traust og stöðugleika á Kóreuskaga. Bandaríkjaher ætti að drulla sér heim til Bandaríkjanna.

Hóta að beita kjarnavopnum

Frekari mótrök

IceSave-draslið eitt og sér felur í sér meira en nóg mótlæti fyrir Íslendinga til þess að fylkja sér gegn því. Nú, ef við getum í leiðinni lagt stein í götu ESB-aðildar og sýnt Alþjóðagjaldeyrissjóðnum löngutöng, þá er það bara bónus, kaupbætir sem gerir það ennþá girnilegra að berjast gegn IceSave.

Það verður þeim stjórnmálamönnum dýrkeypt, sem leggja allt undir í stuðningi við IceSave og ESB. Hvaða stjórnmálamanni með öllum mjalla dettur það í hug? Og talandi um að leggja allt undir og vera með öllum mjalla: Það verður ekki betur séð en SJS og JS leggi einmitt allt undir -- tal um að þau "megi ekki til þess hugsa" og þau "viti ekki hvað tekur við" ef þetta yrði fellt -- verður það skilið öðruvísi en svo að þau séu ekki með neitt plan B?

Icesave ógnar ESB-aðild

Aðal- eða aukaatriði?

Er ekki seðlabankastjóri með fjölda ráðgjafa á sínum snærum? Þarf hann endilega sjálfur að vera sérfræðingur í öllu?

Mikilvægari spurning heldur en um sérfræðiþekkingu er spurningin um persónuna. Hverjir eru skjólstæðingarnir? Hvert er pólitíska baklandið? Hvaða viðhorf aðhyllist viðkomandi í siðferðislegum, hagfræðilegum eða pólitískum álitamálum?

Það má tína ýmislegt til sem gerir Davíð Oddsson óæskilegan til að gegna háttsettum ábyrgðarstöðum, og skortur á sérfræðiþekkingu í bankamálum erþar ekki efst á blaði.

Segir Davíð hafa skort sérfræðiþekkingu

Stóra fréttin....

Það verður fróðlegt að sjá hvort aðalatriðið í hruninu og kreppunni kemur fram í skýrslunni. Aðalatriðið er auðvitað að kreppan er rökrétt afleiðing og skilgetið afkvæmi auðvaldsskipulagsins. Kreppur eru innbyggðar í það og auðvaldsskipulag án kreppu er óhugsandi. Eina lausnin á kreppunni er að fólkið í landinu taki hagkerfið í sínar eigin hendur -- úr höndum auðvaldsins, það er að segja -- og endurskipuleggi þjóðfélagið á vitrænni og réttlátari hátt.

Verri fréttir en nokkur nefnd hefur þurft að færa

Er það það sem þeir kalla það núna?

Það hét að "frelsa" þegar Bandaríkjaher jafnaði þorp í Víetnam við jörðu og eyddi öllu kviku, nú heitir það "uppbygging" að sprengja brúðkaup í Afganistan og myrða alla viðstadda. Heimsvaldastefna er kölluð ýmsum skrúðyrðum en er samt heimsvaldastefna og ekkert annað. Breski herinn er ekki góðgerðastofnun, hann er ekki í Afganistan í einhverjum göfugum erindagjörðum. Hann þjónar breskum hagsmunum og engu öðru. Íslenska friðargæslan er hjálparkokkur Breta og Bandaríkjamanna og megi hún verða lögð niður sem fyrst. Hlutverk hernámsliðsins í Afganistan er að kúga heimamenn til þess að sætta sig við heimsvaldastefnu og andspyrna þeirra gegn því er réttmæt. Því fyrr sem Afgönum tekst að sparka hernámsliði úr landi, þess betra.

Verða áratugi í Afganistan

Lygar og rógur

Lögreglan beitir mótmælendur óeðlilega miklu ofbeldi og lýgur eftir á til þess að réttlæta það, afneita því eða láta það líta eðlilega út. Það er ekki eins og þetta sé fyrsta skiptið. Lögreglan beitir lygum og ofbeldi og það er ógeðslegt.

Saving Iceland: Rógburður lögreglu og lygar fjölmiðla

Svei

1. Alþjóðagjaldeyrissjóðurinn er eitt af því verra sem hefur hent Ísland nýlega. Að ríkisstjórnin vilji leggja lykkju á leið sína til að ganga á eftir honum ber vitni um alvarlegan dómgreindarskort. Þessum sjóði á að sparka úr landi og ef höfnun á IceSave stuðlar að því, þá er þar komin enn ein ástæðan fyrir því að hafna IceSave. Ríkisstjórn sem lætur Alþjóðagjaldeyrissjóðinn segja sér fyrir verkum stendur ekki undir nafninu "vinstristjórn" og hún mun ekki byggja upp neitt "norrænt velferðarkerfi". Það er alveg á hreinu.

2. Tal um "kynningu" og "almannatengsl" vekur mér óhug. Almannatengsl felast í því að fegra ímyndina. Þau heita réttu nafni áróður. Ég held, því miður, að vond ímynd Íslands erlendis sé nokkuð nærri raunveruleikanum. Áður en menn fara að reyna að bæta ímyndina, þá ættu þeir að bæta ástandið. Ástand sem byggist á ímynd byggist á sápukúlum. Það er auðvitað ímyndin sem á að byggjast á ástandinu. Verkið lofar meistarann.

3. Sagði Eva Joly að íslenska þjóðin "ætti sér enga framtíð"? Ég spyr, því ég veit það ekki. Það er auðvitað vitleysa, en það er dagsatt að hér er allt í kalda koli. Ætli Íslendingar standi undir 3-4000 milljarða skuldum? Góður þessi. Deilið í þessa upphæð með 319.000, þetta eru meira en 10.000.000 á mann, hvítvoðungar meðtaldir. Það er ekki hægt að borga það.

Við felldum hægristjórn með hægristefnu og fengum í staðinn vinstristjórn með hægristefnu.

Vill ekki stríð við aðrar þjóðir

Veslings Hreiðar

Ég legg til að efnt verði til þjóðarátaks um að safna peningum og bæta Hreiðari tjónið. Það er nú hámark ósvífninnar að skeyta skapi sínu á eignum blessaðs mannsins, þótt hann hafi gert mannleg mistök í vinnunni.

Sást skvetta málningu á húsið

Mig grunar eigandann

Hefur einhver hagsmuni af því að þetta hús brenni, annar en eigandinn? Honum er ekki meira annt um húsið en svo, að hann bauð lögreglunni að saga það til óbóta nú í vor. Ef það brennur til kaldra kola, fær hann þá ekki tryggingafé? Og fær hann þá ekki að byggja einhverja lágkúru þarna í staðinn og maka krókinn?

Enn kveikt í Vatnsstíg 4

Fellum IceSave-samninginn!

Í IceSave-málinu er versti kostur í stöðunni sá, að íslenskir skattborgarar taki á sig ábyrgðina. Þessu verður að hafna, um það er engum blöðum að fletta. Hræðsluáróður ríkisstjórnarinnar er ógeðfelldur og á ekki að taka mark á honum.

Niðurlægjandi ákvæði